Búgin Astanaǵa Resseiden Keiki batyrdyń bas súiegi ákelindi. Buǵan deiin buqaralyq aqparat quraldary habarlaǵandai, Resei men Qazaqstan Úkimet basshylarynyń kezdesýi barysynda Keiki batyrdyń bas súiegin elge qaitarý jóninde ýaǵdalastyqqa qol jetkizilgen bolatyn.
Sol kelisimge sáikes, búgin tań ata qanshama jyldar boiy Peterbýrg qalasynda Kýnstkamerada turǵan batyrdyń bas súiegi Qazaqstanǵa jetkizildi. Budan ári qandai rásimder atqarylyp, batyrdyń basyn jerleý jumystary qalai uiymdastyrylatynyn nazarda ustaityn bolamyz. Ázirge biz Keiki batyrdyń basy elge qaitarylatyny týraly aqparatqa orai týǵan Serik Aqsuńqarulynyń shaǵyn tolǵaýyn usynyp otyrmyz.
"Egemen Qazaqstan"
Kele jatyr altyn Basy Keikiniń…
Jaýdan jalǵyz –
Shahid keshken deituǵyn,
Kele jatyr altyn Basy Keikiniń;
Masairaǵan onyń munda joǵynda,
Orman jurty qala bardy sońynda.
Keýdesinde qalyp qoimai zar áni,
Mańdai, sheke súiegine tarady;
Ata jaýdan kóńili qalǵan, qairan, Bas
Art jaǵyna qaiyryla bir qarady…
Beles, beles, beles dep,
Aidarynan sipaǵandai jel iiskep;
Bas keledi toqsan jyldai kórmegen,
Óz denesi
Óz kózine
Elestep!
Tabanynyń astynda qap taǵylyq,
Qasiretti qara túndi jamylyp,
Bas… keledi toqsan jyldai toryǵyp,
Ór keýdesin!
Ókpe-baýyryn saǵynyp!
Ýlap-shýlap áleýmettik jeli kep,
Demin ishke tartqan kezde tóńirek,
Toqsan jyldai eki kózi tórt bolǵan,
Torǵai jurty qoia berdi eńirep…
Bas keledi basa-kóktep ǵasyrdy,
Álihan men izdep Qanysh…
Qasymdy;
Qarai bermei jaýtań-jaýtań tómenge,
Kókke qarai kóter, qazaq, basyńdy!
Serik Aqsuńqaruly
.jpeg)