كەيكٸ باتىردىڭ باسى استاناعا جەتكٸزٸلدٸ

بٷگٸن استاناعا رەسسەيدەن كەيكٸ باتىردىڭ باس سٷيەگٸ ەكەلٸندٸ. بۇعان دەيٸن بۇقارالىق اقپارات قۇرالدارى حابارلاعانداي, رەسەي مەن قازاقستان ٷكٸمەت باسشىلارىنىڭ كەزدەسۋٸ بارىسىندا كەيكٸ باتىردىڭ باس سٷيەگٸن ەلگە قايتارۋ جٶنٸندە ۋاعدالاستىققا قول جەتكٸزٸلگەن بولاتىن.

سول كەلٸسٸمگە سەيكەس, بٷگٸن تاڭ اتا قانشاما جىلدار بويى پەتەربۋرگ قالاسىندا كۋنستكامەرادا تۇرعان باتىردىڭ باس سٷيەگٸ قازاقستانعا جەتكٸزٸلدٸ. بۇدان ەرٸ قانداي رەسٸمدەر اتقارىلىپ, باتىردىڭ باسىن جەرلەۋ جۇمىستارى قالاي ۇيىمداستىرىلاتىنىن نازاردا ۇستايتىن بولامىز. ەزٸرگە بٸز كەيكٸ باتىردىڭ باسى ەلگە قايتارىلاتىنى تۋرالى اقپاراتقا وراي تۋعان سەرٸك اقسۇڭقارۇلىنىڭ شاعىن تولعاۋىن ۇسىنىپ وتىرمىز.

"ەگەمەن قازاقستان"

كەلە جاتىر التىن باسى كەيكٸنٸڭ…

 جاۋدان جالعىز –

شاھيد كەشكەن دەيتۇعىن,

كەلە جاتىر التىن باسى كەيكٸنٸڭ;

ماسايراعان ونىڭ مۇندا جوعىندا,

ورمان جۇرتى قالا باردى سوڭىندا.

كەۋدەسٸندە قالىپ قويماي زار ەنٸ,

ماڭداي, شەكە سٷيەگٸنە تارادى;

اتا جاۋدان كٶڭٸلٸ قالعان, قايران, باس

ارت جاعىنا قايىرىلا بٸر قارادى…

بەلەس, بەلەس, بەلەس دەپ,

ايدارىنان سيپاعانداي جەل يٸسكەپ;

باس كەلەدٸ توقسان جىلداي كٶرمەگەن,

ٶز دەنەسٸ

ٶز كٶزٸنە

ەلەستەپ!

تابانىنىڭ استىندا قاپ تاعىلىق,

قاسٸرەتتٸ قارا تٷندٸ جامىلىپ,

باس… كەلەدٸ توقسان جىلداي تورىعىپ,

ٶر كەۋدەسٸن!

ٶكپە-باۋىرىن ساعىنىپ!

ۋلاپ-شۋلاپ ەلەۋمەتتٸك جەلٸ كەپ,

دەمٸن ٸشكە تارتقان كەزدە تٶڭٸرەك,

توقسان جىلداي ەكٸ كٶزٸ تٶرت بولعان,

تورعاي جۇرتى قويا بەردٸ ەڭٸرەپ…

باس كەلەدٸ باسا-كٶكتەپ عاسىردى,

ەليحان مەن ٸزدەپ قانىش…

قاسىمدى;

قاراي بەرمەي جاۋتاڭ-جاۋتاڭ تٶمەنگە,

كٶككە قاراي كٶتەر, قازاق, باسىڭدى!

سەرٸك اقسۇڭقارۇلى