Qazaq halqynyń osydan 100 jyl buryn ótken Ult azattyq kóterilisiniń batyry, áigili Keiki mergenniń bas súiegi onyń denesiniń qai jerde ekeni anyqtalǵan soń, Qostanai oblysy, Amangeldi aýdanynyń Tasty eldimekenine jerlenedi. Bul týraly Senator Serik Aqylbai málimdedi, dep habarlaidy BNews.kz.
Senator memlekettik komissiianyń sheshimimen atalǵan aýylǵa jerlenetinin aitty.
«Keiiki batyrdyń qaida jerlenetini anyqtaldy. Osyǵan bailanysty jaqynda arnaiy otyrys ótti. 1916 jyldyń dańqty batyryn memlekettik komissiianyń sheshimimen ózi týǵan aýylǵa jerleýdi uiǵardyq. Bul Qostanai oblysynyń Amangeldi aýdanyna qarasty Tasty degen aýyl» – deidi senat depýtatty Serik Aqylbai.
Onyń aitýyna qaraǵanda, Keiki batyrdy jerleýge belgilengen orynnyń qasynda batyrdyń týysqandary turǵyzǵan mazar da bar eken.
«Biraq, ol – tym jutań. Sol sebepti de, Keiki batyrdyń erlik jolyn, batyrlyq rýhyn keiingi urpaqqa úlgi retinde kórsetkimiz kelse, Keikiniń ataq-dárejesine sai kesene bolýy kerek. Osyǵan bailanysty batyrdyń bas súiegin jerleý máselesi boiynsha qurylǵan komissiianyń sheshimimen memleket qarajatyna záýlim kúmbez turǵyzylatyn bolady. Jáne batyrdyń jerleý rásimi saltanatty túrde ótedi dep josparlap otyrmyz» – deidi Serik Aqylbai.
Ol Keikiniń elge jetkizilgen basyn jerlemes buryn atqarylýǵa tiis taǵy birneshe sharanyń bar ekenin aitty. Ol – Keiki batyrdyń denesiniń qaida ekenin jáne jubaiynyń qaida jerlengenin anyqtaý. Sondai-aq batyrdyń basqa da marqum bolǵan týystaryn anyqtaý.
