قازاق حالقىنىڭ وسىدان 100 جىل بۇرىن ٶتكەن ۇلت ازاتتىق كٶتەرٸلٸسٸنٸڭ باتىرى, ەيگٸلٸ كەيكٸ مەرگەننٸڭ باس سٷيەگٸ ونىڭ دەنەسٸنٸڭ قاي جەردە ەكەنٸ انىقتالعان سوڭ, قوستاناي وبلىسى, امانگەلدٸ اۋدانىنىڭ تاستى ەلدٸمەكەنٸنە جەرلەنەدٸ. بۇل تۋرالى سەناتور سەرٸك اقىلباي مەلٸمدەدٸ, دەپ حابارلايدى BNews.kz.
سەناتور مەملەكەتتٸك كوميسسييانىڭ شەشٸمٸمەن اتالعان اۋىلعا جەرلەنەتٸنٸن ايتتى.
«كەيٸكٸ باتىردىڭ قايدا جەرلەنەتٸنٸ انىقتالدى. وسىعان بايلانىستى جاقىندا ارنايى وتىرىس ٶتتٸ. 1916 جىلدىڭ داڭقتى باتىرىن مەملەكەتتٸك كوميسسييانىڭ شەشٸمٸمەن ٶزٸ تۋعان اۋىلعا جەرلەۋدٸ ۇيعاردىق. بۇل قوستاناي وبلىسىنىڭ امانگەلدٸ اۋدانىنا قاراستى تاستى دەگەن اۋىل» – دەيدٸ سەنات دەپۋتاتتى سەرٸك اقىلباي.
ونىڭ ايتۋىنا قاراعاندا, كەيكٸ باتىردى جەرلەۋگە بەلگٸلەنگەن ورىننىڭ قاسىندا باتىردىڭ تۋىسقاندارى تۇرعىزعان مازار دا بار ەكەن.
«بٸراق, ول – تىم جۇتاڭ. سول سەبەپتٸ دە, كەيكٸ باتىردىڭ ەرلٸك جولىن, باتىرلىق رۋحىن كەيٸنگٸ ۇرپاققا ٷلگٸ رەتٸندە كٶرسەتكٸمٸز كەلسە, كەيكٸنٸڭ اتاق-دەرەجەسٸنە ساي كەسەنە بولۋى كەرەك. وسىعان بايلانىستى باتىردىڭ باس سٷيەگٸن جەرلەۋ مەسەلەسٸ بويىنشا قۇرىلعان كوميسسييانىڭ شەشٸمٸمەن مەملەكەت قاراجاتىنا زەۋلٸم كٷمبەز تۇرعىزىلاتىن بولادى. جەنە باتىردىڭ جەرلەۋ رەسٸمٸ سالتاناتتى تٷردە ٶتەدٸ دەپ جوسپارلاپ وتىرمىز» – دەيدٸ سەرٸك اقىلباي.
ول كەيكٸنٸڭ ەلگە جەتكٸزٸلگەن باسىن جەرلەمەس بۇرىن اتقارىلۋعا تيٸس تاعى بٸرنەشە شارانىڭ بار ەكەنٸن ايتتى. ول – كەيكٸ باتىردىڭ دەنەسٸنٸڭ قايدا ەكەنٸن جەنە جۇبايىنىڭ قايدا جەرلەنگەنٸن انىقتاۋ. سونداي-اق باتىردىڭ باسقا دا مارقۇم بولعان تۋىستارىن انىقتاۋ.
