Ózbekstan Prezidenti Shavkat Mirziioev BUU Bas Assambleiasyna Aýǵanstan máselesi boiynsha Aziia elderiniń birlesken úndeýin joldaýdy usyndy, dep habarlaidy QazAqparat agenttigi.
«Jańa geosaiasi ahýal búkil Aziia óńiriniń turaqtylyǵyna qater tóndirip tur. Daǵdarys qubylystary Ortalyq Aziia elderine tikelei áser etip, ekonomikalyq integratsiiamyzdy tereńdetýge jumsaǵan kúshimizdi tejep jatyr. Qaýipsizdik, damý jáne gúldený jolyndaǵy múddelerimiz ortaq ekenin eskersek, bizge mynandai basym baǵyttarǵa basa mán berý kerek.
Birinshiden, Aýǵanstandaǵy ahýal erekshe nazardy qajet etedi. Ókinishke qarai, álemdegi ózge de ózekti problemalardyń bederinde Aýǵanstandaǵy ahýaldy retteý máselesi ekinshi kezekke yǵysyp qaldy. Ótken ókinishterdiń qaitalanýyna jol berýge bolmaidy. Ol kezde bul memleket halyqaralyq terroristik habqa ainalǵan bolatyn», - dedi Ózbekstan basshysy AÓSShK VI sammitinde.
Onyń paiymynsha, Aziia elderi Aýǵanstannyń ýaqytsha Úkimetimen ózara áreketterdiń ortaq tásilderin úilestirýi kerek.
«Aýǵan problemasynda keń aýqymdy ymyraǵa kelip, jahandyq deńgeide is júzindegi sharalar qabyldaý úshin BUU Bas Assambleiasyna Aýǵanstan biligimen taraptardyń óz mindettemelerin kezeń-kezeńmen oryndaýyn belgileitin algorimter jónindegi joǵary deńgeidegi halyqaralyq kelissóz tobyn qurý týraly Aziia elderiniń birlesken úndeýin joldaý múmkindigin qarastyrýdy usynamyn», - dedi Shavkat Mirziioev.
