ٶزبەكستان پرەزيدەنتٸ شاۆكات ميرزييوەۆ بۇۇ باس اسسامبلەياسىنا اۋعانستان مەسەلەسٸ بويىنشا ازييا ەلدەرٸنٸڭ بٸرلەسكەن ٷندەۋٸن جولداۋدى ۇسىندى, دەپ حابارلايدى قازاقپارات اگەنتتٸگٸ.
«جاڭا گەوساياسي احۋال بٷكٸل ازييا ٶڭٸرٸنٸڭ تۇراقتىلىعىنا قاتەر تٶندٸرٸپ تۇر. داعدارىس قۇبىلىستارى ورتالىق ازييا ەلدەرٸنە تٸكەلەي ەسەر ەتٸپ, ەكونوميكالىق ينتەگراتسييامىزدى تەرەڭدەتۋگە جۇمساعان كٷشٸمٸزدٸ تەجەپ جاتىر. قاۋٸپسٸزدٸك, دامۋ جەنە گٷلدەنۋ جولىنداعى مٷددەلەرٸمٸز ورتاق ەكەنٸن ەسكەرسەك, بٸزگە مىنانداي باسىم باعىتتارعا باسا مەن بەرۋ كەرەك.
بٸرٸنشٸدەن, اۋعانستانداعى احۋال ەرەكشە نازاردى قاجەت ەتەدٸ. ٶكٸنٸشكە قاراي, ەلەمدەگٸ ٶزگە دە ٶزەكتٸ پروبلەمالاردىڭ بەدەرٸندە اۋعانستانداعى احۋالدى رەتتەۋ مەسەلەسٸ ەكٸنشٸ كەزەككە ىعىسىپ قالدى. ٶتكەن ٶكٸنٸشتەردٸڭ قايتالانۋىنا جول بەرۋگە بولمايدى. ول كەزدە بۇل مەملەكەت حالىقارالىق تەرروريستٸك حابقا اينالعان بولاتىن», - دەدٸ ٶزبەكستان باسشىسى اٶسشك VI سامميتٸندە.
ونىڭ پايىمىنشا, ازييا ەلدەرٸ اۋعانستاننىڭ ۋاقىتشا ٷكٸمەتٸمەن ٶزارا ەرەكەتتەردٸڭ ورتاق تەسٸلدەرٸن ٷيلەستٸرۋٸ كەرەك.
«اۋعان پروبلەماسىندا كەڭ اۋقىمدى ىمىراعا كەلٸپ, جاھاندىق دەڭگەيدە ٸس جٷزٸندەگٸ شارالار قابىلداۋ ٷشٸن بۇۇ باس اسسامبلەياسىنا اۋعانستان بيلٸگٸمەن تاراپتاردىڭ ٶز مٸندەتتەمەلەرٸن كەزەڭ-كەزەڭمەن ورىنداۋىن بەلگٸلەيتٸن الگوريمتەر جٶنٸندەگٸ جوعارى دەڭگەيدەگٸ حالىقارالىق كەلٸسسٶز توبىن قۇرۋ تۋرالى ازييا ەلدەرٸنٸڭ بٸرلەسكەن ٷندەۋٸن جولداۋ مٷمكٸندٸگٸن قاراستىرۋدى ۇسىنامىن», - دەدٸ شاۆكات ميرزييوەۆ.
