Kúni keshe ǵana elimizde kezekti "Altyn adam" tabyldy. Shynymen tarihi oqiǵa. Qazaqstan turmaq, álem BAQ-tary jarysa jazýǵa tiis tarihi ashylý edi. Ókinishke orai, olai bolmady.
Kiná ózgede emes, ózimizde. Bilik elimizdi tanytý úshin baryn salyp jatyr. Sammitter, jarystar men kórmeler, túrli basqosýlar. Biraq álem jurtshylyǵyn mundai oqiǵalar emes, tarihi tanym men tylsym qyzyqtyratynyn umytpaiyq. Qazaqstan kóne órkenietter ólkesi. Osy ýaqytqa deiin "Altyn adam", "Altyn hanshaiym", kóne obalar men tutastai kómilgen tulparlar tabyldy. Mine, kezekti jańalyq. Osyny álem jurtshylyǵy bilse, tarihqa qyzyǵatyndar elimizge keler ma edi.
Mysaly, Mońǵoliiaǵa dinozavr súiegin izdeýshiler Latyn Amerikasynan da kelip jatady. Al Mysyrǵa kúlli álemnen. Sol Mysyrda tabylǵan perǵaýyndardan, bizde tabylǵan altyn saýytty patshalar artyq bolmasa, kem emes. Biraq álem halqy bizge ony kórýge kelmeidi. Óitkeni bilmeidi. Durys nasihat joq. Keshegi jańalyqty da jarǵaq qulaǵy jastyqqa timei jarnamalap jatqany shamaly. Tipti óz halqymyz da qulaǵdar emes. Tarihymyzdyń bai ekenin kórsetpegennen keiin, kei zymiiandar Qazaqstanda tarih joq dep júrgen joq pa?! Qysqasy týristerdi tartam deseń, tarihyńdy jahanǵa tanyt. Onymen kim ainalysýǵa tiis? Ehhh...
Ashat Qasenǵalidiń feisbýktegi jazbasynan
