Almaty turǵyndary úiinen 500 metrge deiingi radiýsta ornalasqan bir kommýnaldyq aqyly avtoturaqty tegin paidalaný quqyǵyn rásimdei alady.
Ruqsat bir turǵyn nemese turǵyn emes úi-jaiǵa bir kólik quraly úshin beriledi. Ótinishti «Almaty parking» saity nemese e-Otinish platformasy arqyly tapsyrýǵa bolady.
Ol úshin ótinish berýshi úi-jaidyń mekenjaiyn kórsetip, kartadan avtoturaqty tańdap, kólik týraly málimetter men qajetti qujattardy tirkeýi kerek. Qujattar ótinish berýshiniń menshik iesi, onyń jaqyn týysy nemese jalǵa alýshy bolýyna qarai ózgeredi.
Ótinishtiń qaralý nátijesi «Almaty turaqtary» mobildi qosymshasy arqyly push-habarlama túrinde jiberiledi.
Aita keteiik, tegin paidalaný quqyǵy naqty turaq ornyn bekitpeidi. Kólikti tańdalǵan avtoturaqqa tek bos oryn bolǵan jaǵdaida qoiýǵa bolady.
