كٷنٸ كەشە عانا ەلٸمٸزدە كەزەكتٸ "التىن ادام" تابىلدى. شىنىمەن تاريحي وقيعا. قازاقستان تۇرماق, ەلەم باق-تارى جارىسا جازۋعا تيٸس تاريحي اشىلۋ ەدٸ. ٶكٸنٸشكە وراي, ولاي بولمادى.
كٸنە ٶزگەدە ەمەس, ٶزٸمٸزدە. بيلٸك ەلٸمٸزدٸ تانىتۋ ٷشٸن بارىن سالىپ جاتىر. سامميتتەر, جارىستار مەن كٶرمەلەر, تٷرلٸ باسقوسۋلار. بٸراق ەلەم جۇرتشىلىعىن مۇنداي وقيعالار ەمەس, تاريحي تانىم مەن تىلسىم قىزىقتىراتىنىن ۇمىتپايىق. قازاقستان كٶنە ٶركەنيەتتەر ٶلكەسٸ. وسى ۋاقىتقا دەيٸن "التىن ادام", "التىن حانشايىم", كٶنە وبالار مەن تۇتاستاي كٶمٸلگەن تۇلپارلار تابىلدى. مٸنە, كەزەكتٸ جاڭالىق. وسىنى ەلەم جۇرتشىلىعى بٸلسە, تاريحقا قىزىعاتىندار ەلٸمٸزگە كەلەر ما ەدٸ.
مىسالى, موڭعوليياعا دينوزاۆر سٷيەگٸن ٸزدەۋشٸلەر لاتىن امەريكاسىنان دا كەلٸپ جاتادى. ال مىسىرعا كٷللٸ ەلەمنەن. سول مىسىردا تابىلعان پەرعاۋىنداردان, بٸزدە تابىلعان التىن ساۋىتتى پاتشالار ارتىق بولماسا, كەم ەمەس. بٸراق ەلەم حالقى بٸزگە ونى كٶرۋگە كەلمەيدٸ. ٶيتكەنٸ بٸلمەيدٸ. دۇرىس ناسيحات جوق. كەشەگٸ جاڭالىقتى دا جارعاق قۇلاعى جاستىققا تيمەي جارنامالاپ جاتقانى شامالى. تٸپتٸ ٶز حالقىمىز دا قۇلاعدار ەمەس. تاريحىمىزدىڭ باي ەكەنٸن كٶرسەتپەگەننەن كەيٸن, كەي زىميياندار قازاقستاندا تاريح جوق دەپ جٷرگەن جوق پا?! قىسقاسى تۋريستەردٸ تارتام دەسەڭ, تاريحىڭدى جاھانعا تانىت. ونىمەن كٸم اينالىسۋعا تيٸس? ەححح...
اسحات قاسەنعاليدٸڭ فەيسبۋكتەگٸ جازباسىنان
