Qazaqstanda erekshe nazar men qoldaýdy qajet etetin balalardy erte anyqtap, olarǵa qajetti kómekti ýaqtyly kórsetýge arnalǵan «Balazhan» tsifrlyq platformasy engizilýde, dep habarlaidy ult.kz.
Jańa platforma 2026–2030 jyldarǵa arnalǵan «Qazaqstan balalary» tujyrymdamasy aiasynda iske qosylyp jatyr.
Balalardyń quqyqtaryn qorǵaý komitetiniń málimetinshe, júie balalar men olardyń otbasylary týraly jańa aqparat jinaýdy talap etpeidi. Buǵan deiin pedagogter qaǵaz qujattarda jáne ártúrli aqparattyq júielerde júrgizip kelgen málimetter endi bir platformada jinaqtalady.
Bastapqy derekter júiege bir ret engizilip, keiin qajet bolǵan jaǵdaida jańartylady. Bul qujat ainalymyn azaityp, pedagogterdiń jumysyn jeńildetýge jáne mamandar arasyndaǵy bailanysty jaqsartýǵa múmkindik beredi.
«Balazhan» platformasy Ulttyq bilim berý derekter qorynyń modýli bolyp sanalady. Balalardyń jeke derekteri zańnama talaptaryna sáikes qorǵalady.
Jańa júie qoldaýdy qajet etetin balalardy úzdiksiz súiemeldeýge jáne olarǵa kórsetiletin kómektiń tiimdiligin arttyrýǵa baǵyttalǵan.
