«Almaty - Bishkek» avtojolynyń 786-790 shaqyrymy ýchaskesin, iaǵni «Altyn Orda» bazary mańyndaǵy 3,8 shaqyrymdyq jol keńeitiletin bolady. Osy mańdaǵy kólik keptelisin sheshý úshin oblys ákimdiginiń usynysymen úkimet tarapynan qoldaý tapqan aýqymdy joba biylǵy jyly júzege asyryla bastaidy. Kúrdeli jóndeý barysynda jol ústi kópirleri men jol burylystary da qarastyrylmaq. Bul týraly keshe jýrnalisterge bergen suhbatynda oblys ákiminiń orynbasary A. Baijanov aitty, - dep habarlaidy Almaty oblysy ákiminiń baspasóz qyzmeti.
«KazAvtoJol» mekemesiniń Almaty oblystyq filialy direktorynyń orynbasary Nurhat Aqyltaevtyń aitýynsha, «Altyn Orda» bazary mańyndaǵy avtojol arqyly táýligine 50 myń avtokólik júredi. Mundaǵy keptilis máselesin sheshý maqsatynda atalmysh joldyń 16-19 shaqyrymdary aralyǵy 8 jáne 10 jolaqty bolmaq. Onyń eki jolaǵy tranzittik kólikterge arnalsa, eki jolaǵy jergilikti mańǵa júretin kólikterge, al bir jolaǵy avtobýsqa, iaǵni qoǵamdyq kólikke arnalady. 16-shy shaqyrymda burylys estakadasy qarastyrylady.
«Almaty - Bishkek» avtokólik jolynyń 786-790 shaqyrym ýchaskesi bóligin keńeitýdiń buǵan deiingi jobasyna biylǵy jyly birqatar tolyqtyrýlar engizilgen bolatyn. Atap aitqanda, jobanyń ekinshi kezeńinde 18 myń turǵyny bar «Asyl Arman» TK turǵyndarynyń ótinishi boiynsha atalmysh keshennen qalaǵa burylatyn «Trýba» tipti jer ústi joly salynsa, sonymen qatar Raiymbek aýyly tusynda taǵy bir, joba boiynsha tórtinshi jer ústi joly qarastyrylatyn bolady. Eki kezeńiniń de jobasyn «AstanaStroiProektServis-M» JShS daiyndaýda. Tamyz aiynyń sońyna deiin «MemSaraptama» mekemesiniń oń qorytyndysy shyǵady dep josparlanǵan. Jobany tolyq júzege asyrýdyń aldyn ala esepteý boiynsha quny 12 mlrd. teńgege jýyq dep jobalanyp otyr. Biylǵy jylǵa 800 mln. teńge bólingen. Kúrdeli jóndeý jumystary 2019 jyly tolyǵymen aiaqtalady dep kútilýde.
Jobany iske asyrý maqsatynda memleket qajettiligi úshin jer telimderin alý jumystary júrgizilýde. Alýǵa jatatyn oblys aýmaǵyndaǵy 53 ýchaske bolsa, búgingi kúnge sonyń 5-eýi memlekettik jer ýchaskesi, 30-y alynǵan, 13-inde alý protsesi júrip jatyr, al 5 jer ýchaskesiniń ielerimen kelissózder júrgizilýde.
Oblys ákiminiń orynbasary A. Baijanov kúrdeli jóndeý jumystary kezinde sol mańdaǵy irgeli nysandardyń jumysyna kedergi keltirmeýdi, ýaqytsha joldardyń baǵytyn kelisip jasaýdy tapsyrdy. «Bul joba óz kezeginde kólik keptelisin sheshýge, jaiaý júrginshilerdiń qaýipsizdigine oń yqpalyn tigizetin bolady», - dedi A. Baijanov.
