«الماتى - بٸشكەك» اۆتوجولىنىڭ 786-790 شاقىرىمى ۋچاسكەسٸن, ياعني «التىن وردا» بازارى ماڭىنداعى 3,8 شاقىرىمدىق جول كەڭەيتٸلەتٸن بولادى. وسى ماڭداعى كٶلٸك كەپتەلٸسٸن شەشۋ ٷشٸن وبلىس ەكٸمدٸگٸنٸڭ ۇسىنىسىمەن ٷكٸمەت تاراپىنان قولداۋ تاپقان اۋقىمدى جوبا بيىلعى جىلى جٷزەگە اسىرىلا باستايدى. كٷردەلٸ جٶندەۋ بارىسىندا جول ٷستٸ كٶپٸرلەرٸ مەن جول بۇرىلىستارى دا قاراستىرىلماق. بۇل تۋرالى كەشە جۋرناليستەرگە بەرگەن سۇحباتىندا وبلىس ەكٸمٸنٸڭ ورىنباسارى ا. بايجانوۆ ايتتى, - دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.
«كازاۆتوجول» مەكەمەسٸنٸڭ الماتى وبلىستىق فيليالى ديرەكتورىنىڭ ورىنباسارى نۇرحات اقىلتاەۆتىڭ ايتۋىنشا, «التىن وردا» بازارى ماڭىنداعى اۆتوجول ارقىلى تەۋلٸگٸنە 50 مىڭ اۆتوكٶلٸك جٷرەدٸ. مۇنداعى كەپتٸلٸس مەسەلەسٸن شەشۋ ماقساتىندا اتالمىش جولدىڭ 16-19 شاقىرىمدارى ارالىعى 8 جەنە 10 جولاقتى بولماق. ونىڭ ەكٸ جولاعى ترانزيتتٸك كٶلٸكتەرگە ارنالسا, ەكٸ جولاعى جەرگٸلٸكتٸ ماڭعا جٷرەتٸن كٶلٸكتەرگە, ال بٸر جولاعى اۆتوبۋسقا, ياعني قوعامدىق كٶلٸككە ارنالادى. 16-شى شاقىرىمدا بۇرىلىس ەستاكاداسى قاراستىرىلادى.
«الماتى - بٸشكەك» اۆتوكٶلٸك جولىنىڭ 786-790 شاقىرىم ۋچاسكەسٸ بٶلٸگٸن كەڭەيتۋدٸڭ بۇعان دەيٸنگٸ جوباسىنا بيىلعى جىلى بٸرقاتار تولىقتىرۋلار ەنگٸزٸلگەن بولاتىن. اتاپ ايتقاندا, جوبانىڭ ەكٸنشٸ كەزەڭٸندە 18 مىڭ تۇرعىنى بار «اسىل ارمان» تك تۇرعىندارىنىڭ ٶتٸنٸشٸ بويىنشا اتالمىش كەشەننەن قالاعا بۇرىلاتىن «ترۋبا» تيپتٸ جەر ٷستٸ جولى سالىنسا, سونىمەن قاتار رايىمبەك اۋىلى تۇسىندا تاعى بٸر, جوبا بويىنشا تٶرتٸنشٸ جەر ٷستٸ جولى قاراستىرىلاتىن بولادى. ەكٸ كەزەڭٸنٸڭ دە جوباسىن «استاناسترويپروەكتسەرۆيس-م» جشس دايىنداۋدا. تامىز ايىنىڭ سوڭىنا دەيٸن «مەمساراپتاما» مەكەمەسٸنٸڭ وڭ قورىتىندىسى شىعادى دەپ جوسپارلانعان. جوبانى تولىق جٷزەگە اسىرۋدىڭ الدىن الا ەسەپتەۋ بويىنشا قۇنى 12 ملرد. تەڭگەگە جۋىق دەپ جوبالانىپ وتىر. بيىلعى جىلعا 800 ملن. تەڭگە بٶلٸنگەن. كٷردەلٸ جٶندەۋ جۇمىستارى 2019 جىلى تولىعىمەن اياقتالادى دەپ كٷتٸلۋدە.
جوبانى ٸسكە اسىرۋ ماقساتىندا مەملەكەت قاجەتتٸلٸگٸ ٷشٸن جەر تەلٸمدەرٸن الۋ جۇمىستارى جٷرگٸزٸلۋدە. الۋعا جاتاتىن وبلىس اۋماعىنداعى 53 ۋچاسكە بولسا, بٷگٸنگٸ كٷنگە سونىڭ 5-ەۋٸ مەملەكەتتٸك جەر ۋچاسكەسٸ, 30-ى الىنعان, 13-ٸندە الۋ پروتسەسٸ جٷرٸپ جاتىر, ال 5 جەر ۋچاسكەسٸنٸڭ يەلەرٸمەن كەلٸسسٶزدەر جٷرگٸزٸلۋدە.
وبلىس ەكٸمٸنٸڭ ورىنباسارى ا. بايجانوۆ كٷردەلٸ جٶندەۋ جۇمىستارى كەزٸندە سول ماڭداعى ٸرگەلٸ نىسانداردىڭ جۇمىسىنا كەدەرگٸ كەلتٸرمەۋدٸ, ۋاقىتشا جولداردىڭ باعىتىن كەلٸسٸپ جاساۋدى تاپسىردى. «بۇل جوبا ٶز كەزەگٸندە كٶلٸك كەپتەلٸسٸن شەشۋگە, جاياۋ جٷرگٸنشٸلەردٸڭ قاۋٸپسٸزدٸگٸنە وڭ ىقپالىن تيگٸزەتٸن بولادى», - دەدٸ ا. بايجانوۆ.
