Shyǵys Qazaqstan oblysyndaǵy «Vostoktsvetmet» JShS-ne qarasty Artemev kenishinde qaiǵyly oqiǵa bolyp, bir jumysshy kóz jumdy, dep habarlaidy ult.kz.
Kompaniia málimetinshe, 30 mamyr kúni shamamen saǵat 20:30-da kenish aýmaǵynda taý jynystarynyń opyrylýy saldarynan kásiporyn qyzmetkeri qaza tapqan. Oqiǵadan keiin apat bolǵan ýchaskedegi barlyq jumys dereý toqtatyldy.
Qazir qaiǵyly jaǵdaidyń sebepteri men mán-jaiyn anyqtaý úshin arnaiy komissiia qurylyp, tergeý júrgizilip jatyr. Tergeýge quzyrly organdar men sala mamandary tartylǵan. Kompaniia basshylyǵy qaza tapqan jumysshynyń otbasyna qajetti kómek kórsetiletinin málimdedi.
Bul KAZ Minerals kásiporyndarynda sońǵy bir aidaǵy ekinshi ólim jaǵdaiy bolyp otyr. Buǵan deiin 9 mamyr kúni dál osy Artemev kenishinde jóndeý jumystaryn júrgizý kezinde shań-jeldetý qyzmetiniń mehanigi shamamen 9 metr biiktikten qulap, kóz jumǵan edi.
