© Sputnik / Vladislav Vodnev
Premer-ministr Álihan Smaiylov Úkimettiń infliatsiiaǵa qatysty boljamy týraly aitty, dep habarlaidy Sputnik Qazaqstan.
"Ózderińiz bilesizder, ulttyq bank infliatsiia deńgeiin tómendetý úshin óziniń bazalyq stavkasyn 16 protsentke deiin ulǵaitty. Kelesi jyldyń basynda infliatsiia deńgeii men makroekonomikalyq jaǵdai turaqtalady dep sanaimyz", - dedi Smaiylov Senattyń otyrysynan keiingi brifingte.
Osy oraida Úkimet basshysy áleýmettik mańyzy bar azyq-túlik baǵasynyń ústemesin 15 protsentten asyrmaý mindeti qoiylǵanyn eske saldy. Osy saladaǵy baqylaý sharalary jalǵasa beredi.
Aita keteri, Qazaqstanda infliatsiianyń jyldyq kórsetkishi 19%-ǵa jýyqtady, al ónim baǵasy 23,2%-ǵa ósti.
"Kelesi jyly infliatsiia deńgeii 7,5-9,5 protsent bolady dep josparlap otyrmyz. Al odan keiingi jyldary 4-5 protsentke túsýi kerek. Biz osyndai maqsat qoiýymyz kerek. Sosyn qolda bar sharalardy paidalanyp, oǵan jetýimiz shart", - dep atap ótti Smaiylov.
