© Sputnik / ۆلاديسلاۆ ۆودنەۆ
پرەمەر-مينيستر ەليحان سمايىلوۆ ٷكٸمەتتٸڭ ينفلياتسيياعا قاتىستى بولجامى تۋرالى ايتتى, دەپ حابارلايدى Sputnik قازاقستان.
"ٶزدەرٸڭٸز بٸلەسٸزدەر, ۇلتتىق بانك ينفلياتسييا دەڭگەيٸن تٶمەندەتۋ ٷشٸن ٶزٸنٸڭ بازالىق ستاۆكاسىن 16 پروتسەنتكە دەيٸن ۇلعايتتى. كەلەسٸ جىلدىڭ باسىندا ينفلياتسييا دەڭگەيٸ مەن ماكروەكونوميكالىق جاعداي تۇراقتالادى دەپ سانايمىز", - دەدٸ سمايىلوۆ سەناتتىڭ وتىرىسىنان كەيٸنگٸ بريفينگتە.
وسى ورايدا ٷكٸمەت باسشىسى ەلەۋمەتتٸك ماڭىزى بار ازىق-تٷلٸك باعاسىنىڭ ٷستەمەسٸن 15 پروتسەنتتەن اسىرماۋ مٸندەتٸ قويىلعانىن ەسكە سالدى. وسى سالاداعى باقىلاۋ شارالارى جالعاسا بەرەدٸ.
ايتا كەتەرٸ, قازاقستاندا ينفلياتسييانىڭ جىلدىق كٶرسەتكٸشٸ 19%-عا جۋىقتادى, ال ٶنٸم باعاسى 23,2%-عا ٶستٸ.
"كەلەسٸ جىلى ينفلياتسييا دەڭگەيٸ 7,5-9,5 پروتسەنت بولادى دەپ جوسپارلاپ وتىرمىز. ال ودان كەيٸنگٸ جىلدارى 4-5 پروتسەنتكە تٷسۋٸ كەرەك. بٸز وسىنداي ماقسات قويۋىمىز كەرەك. سوسىن قولدا بار شارالاردى پايدالانىپ, وعان جەتۋٸمٸز شارت", - دەپ اتاپ ٶتتٸ سمايىلوۆ.
