Syrtqy ister ministriniń orynbasary Roman Vasilenko Reseidiń federal arnasynda sarapshynyń Qazaqstandy "Ýkrainadan keiingi problema" dep ataǵan málimdemesin qatań aiyptady, - dep habarlaidy Tengrinews.kz agenttigi.
"Rossiia 1" telearnasyndaǵy "Vecher s Vladimirom Solovevym" baǵdarlamasynda sarapshylardyń biri Qazaqstandy Ýkrainadan keiingi problema dep atady. Ol bizdiń eldegi natsistik protsester týraly málimdedi. Siz natsistik protsesterdi kezdestirdińiz be" - dep surady jýrnalist.
"Árine, men eshqashan natsistik protseske tap bolǵan emespin, ol bizdiń elimizde joq ta. Mundai málimdemelerge qatysty aitarym - Memleket basshysy da, SIM basshylyǵy da, ózge basshylar da buǵan deiin túrli málimdeme estidi. Birinshiden, biz bul Resei Federatsiiasynyń resmi ustanymy dep sanamaimyz. Ekinshiden, Qazaqstan men Resei arasyndaǵy dástúrli tyǵyz qarym-qatynastarǵa nuqsan keltirilip otyr. Úshinshiden, federaldy arnalardyń birinde osyndai pozitsiialardy jariialanǵandyqtan, Resei Federatsiiasynyń biligi tiisti reaktsiia beredi", - dedi Vasilenko Májilis kýlýarynda jýrnalisterdiń suraǵyna jaýap berip.
Syrtqy ister ministrligi osy másele boiynsha Resei elshisine telefon soǵýdy josparlap otyr ma degen suraqqa Vasilenko qazir ózinde ondai aqparat joq ekenin aitty.
