سىرتقى ٸستەر مينيسترٸنٸڭ ورىنباسارى رومان ۆاسيلەنكو رەسەيدٸڭ فەدەرال ارناسىندا ساراپشىنىڭ قازاقستاندى "ۋكراينادان كەيٸنگٸ پروبلەما" دەپ اتاعان مەلٸمدەمەسٸن قاتاڭ ايىپتادى, - دەپ حابارلايدى Tengrinews.kz اگەنتتٸگٸ.
"روسسييا 1" تەلەارناسىنداعى "ۆەچەر س ۆلاديميروم سولوۆەۆىم" باعدارلاماسىندا ساراپشىلاردىڭ بٸرٸ قازاقستاندى ۋكراينادان كەيٸنگٸ پروبلەما دەپ اتادى. ول بٸزدٸڭ ەلدەگٸ ناتسيستٸك پروتسەستەر تۋرالى مەلٸمدەدٸ. سٸز ناتسيستٸك پروتسەستەردٸ كەزدەستٸردٸڭٸز بە" - دەپ سۇرادى جۋرناليست.
"ەرينە, مەن ەشقاشان ناتسيستٸك پروتسەسكە تاپ بولعان ەمەسپٸن, ول بٸزدٸڭ ەلٸمٸزدە جوق تا. مۇنداي مەلٸمدەمەلەرگە قاتىستى ايتارىم - مەملەكەت باسشىسى دا, سٸم باسشىلىعى دا, ٶزگە باسشىلار دا بۇعان دەيٸن تٷرلٸ مەلٸمدەمە ەستٸدٸ. بٸرٸنشٸدەن, بٸز بۇل رەسەي فەدەراتسيياسىنىڭ رەسمي ۇستانىمى دەپ سانامايمىز. ەكٸنشٸدەن, قازاقستان مەن رەسەي اراسىنداعى دەستٷرلٸ تىعىز قارىم-قاتىناستارعا نۇقسان كەلتٸرٸلٸپ وتىر. ٷشٸنشٸدەن, فەدەرالدى ارنالاردىڭ بٸرٸندە وسىنداي پوزيتسييالاردى جارييالانعاندىقتان, رەسەي فەدەراتسيياسىنىڭ بيلٸگٸ تيٸستٸ رەاكتسييا بەرەدٸ", - دەدٸ ۆاسيلەنكو مەجٸلٸس كۋلۋارىندا جۋرناليستەردٸڭ سۇراعىنا جاۋاپ بەرٸپ.
سىرتقى ٸستەر مينيسترلٸگٸ وسى مەسەلە بويىنشا رەسەي ەلشٸسٸنە تەلەفون سوعۋدى جوسپارلاپ وتىر ما دەگەن سۇراققا ۆاسيلەنكو قازٸر ٶزٸندە ونداي اقپارات جوق ەكەنٸن ايتتى.
