Kedennen quny 53,3 mln teńge deklaratsiialanbaǵan taýar ótkizý faktisi boiynsha sotqa deiingi tergeý aiaqtaldy. Bul týraly Qarjy monitoringi komiteti habarlaidy.
Atalǵan Komitettiń Almaty oblysy boiynsha Ekonomikalyq tergeý departamenti qyzmetkerleri «Ekspress-júk» JShS direktoryna qatysty isti tergedi. Ol «Altyn kól» keden beketi arqyly Qytaidan Qazaqstanǵa temirjol konteinerlerimen ákelingen, kedendik quny 53,3 mln teńgeni quraityn deklaratsiialanbaǵan tutyný taýarlaryn kedennen zańsyz ótkizbek bolǵan.
«Ekspress-júk» JShS direktory QR QK 234-babynyń 2-b. 4-t. (asa iri mólsherdegi ekonomikalyq kontrabanda) boiynsha aiypty dep tanyldy. Oǵan múlkin memleket kirisine tárkilei otyryp, 3,7 mln teńge kóleminde aiyppul túrindegi jaza taǵaiyndaldy», - delingen habarlamada.
