كەدەننەن قۇنى 53,3 ملن تەڭگە دەكلاراتسييالانباعان تاۋار ٶتكٸزۋ فاكتٸسٸ بويىنشا سوتقا دەيٸنگٸ تەرگەۋ اياقتالدى. بۇل تۋرالى قارجى مونيتورينگٸ كوميتەتٸ حابارلايدى.
اتالعان كوميتەتتٸڭ الماتى وبلىسى بويىنشا ەكونوميكالىق تەرگەۋ دەپارتامەنتٸ قىزمەتكەرلەرٸ «ەكسپرەسس-جٷك» جشس ديرەكتورىنا قاتىستى ٸستٸ تەرگەدٸ. ول «التىن كٶل» كەدەن بەكەتٸ ارقىلى قىتايدان قازاقستانعا تەمٸرجول كونتەينەرلەرٸمەن ەكەلٸنگەن, كەدەندٸك قۇنى 53,3 ملن تەڭگەنٸ قۇرايتىن دەكلاراتسييالانباعان تۇتىنۋ تاۋارلارىن كەدەننەن زاڭسىز ٶتكٸزبەك بولعان.
«ەكسپرەسس-جٷك» جشس ديرەكتورى قر قك 234-بابىنىڭ 2-ب. 4-ت. (اسا ٸرٸ مٶلشەردەگٸ ەكونوميكالىق كونتراباندا) بويىنشا ايىپتى دەپ تانىلدى. وعان مٷلكٸن مەملەكەت كٸرٸسٸنە تەركٸلەي وتىرىپ, 3,7 ملن تەڭگە كٶلەمٸندە ايىپپۇل تٷرٸندەگٸ جازا تاعايىندالدى», - دەلٸنگەن حابارلامادا.
