Parlament Májilisiniń jalpy otyrysynda «Qazaqstan Respýblikasyndaǵy kedendik retteý týraly» QR Kodeksine ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy "Ult aqparat".
Zań jobasynyń negizgi maqsattary kedendik operatsiialardy jasaý ýaqytyn qysqartýǵa, usynylatyn kedendik kórsetiletin qyzmetterdiń sapasyn qamtamasyz etýge, syrtqy saýdaǵa járdemdesýge, keden organdarynyń aqparattyq júielerin odan ári damytýǵa negizdelgen.
Usynylyp otyrǵan ózgerister men tolyqtyrýlar, birinshi kezekte, memlekettik qyzmetterdi kórsetý merzimderin qysqartýǵa jáne olardy elektrondyq formatqa kóshirýge baǵyttalǵan. Bul taýarlardy synyptaý, qurastyrylmaǵan túrdegi taýarlardy synyptaý boiynsha aldyn ala sheshimder berý siiaqty kedendik kórsetiletin qyzmetterge qatysty.
Budan basqa, ziiatkerlik menshik obektilerin kedendik tizilimderge engizý protsesi ońailatylady.
Sonymen qatar, keden organdaryna taýarlardy synyptaý boiynsha qosymsha fýnktsiialar beriledi, birinshi kezekte, taýarlardy EAEO ishinde oryn aýystyrýǵa bailanysty.
Zań jobasynyń jekelegen túzetýleri redaktsiialyq dálsizdikterdi joiýǵa jáne EAEO Keden kodeksindegi ózgeristerge sáikes keltirýge baǵyttalǵan.
