Kedendik ákimshilendirýdi kúsheitý esebinen respýblikalyq biýdjetke qosymsha shamamen 150 mlrd teńge túsedi. Bul týraly Úkimet otyrysynda Qarjy ministri Erulan Jamaýbaev aitty, dep habarlaidy QazAqparat.
«Keden salasyn tártipke keltirý maqsatynda jedel jáne júieli is-sharalar qabyldanýda. Onyń ishinde ásirese tsifrlandyrý basym baǵyt bolady. Jedel is-sharalar bóliginde deklaratsiialardy baqylaý jáne shyǵarý jónindegi kedendik fýnktsiialar ortalyqtandyryldy. 9 ýákiletti ekonomikalyq operatorǵa jáne basqa da iri importtaýshylarǵa qatysty tekserýler aiaqtalyp qaldy. Shekaradaǵy elektrondyq kezek júiesin jetildirý boiynsha jumystar júrgizilýde. Ýákiletti ekonomikalyq operatorlarǵa qoiylatyn biliktilik talaptary zańnamalyq túrde kúsheitiletin bolady», - dedi ministr.
Onyń atap ótýinshe, júieli sharalar aiasynda ASTANA-1 jáne E-tereze aqparattyq júieleri jetildirilýde. Táýekelderdi basqarý júiesine sýbektige baǵdarlanǵan tásil jáne derekterdi intellektýaldy taldaý engiziledi. Elektrondyq shot-faktýralar negizinde taýarlardy qadaǵalaý júiesin odan ári damytý júrgizilip jatyr.
«Bul importtan bastap tutynýshyǵa deiingi barlyq ótkizý tizbegi boiynsha salyqtyq baqylaýǵa múmkindik beredi. Budan basqa QHR-men kedendik statistikanyń alshaqtyǵyn tómendetý, sondai-aq kedendik infraqurylymdy jańǵyrtý boiynsha keshendi is-sharalar qabyldanyp jatyr. Jalpy, biylǵy jyly kedendik ákimshilendirýdi kúsheitý esebinen respýblikalyq biýdjetke qosymsha shamamen 150 mlrd teńge túsedi dep josparlanýda. Bul jumys jete baqylaýǵa alynǵan», - dedi Erulan Jamaýbaev.
