كەدەندٸك ەكٸمشٸلەندٸرۋدٸ كٷشەيتۋ ەسەبٸنەن رەسپۋبليكالىق بيۋدجەتكە قوسىمشا شامامەن 150 ملرد تەڭگە تٷسەدٸ. بۇل تۋرالى ٷكٸمەت وتىرىسىندا قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«كەدەن سالاسىن تەرتٸپكە كەلتٸرۋ ماقساتىندا جەدەل جەنە جٷيەلٸ ٸس-شارالار قابىلدانۋدا. ونىڭ ٸشٸندە ەسٸرەسە تسيفرلاندىرۋ باسىم باعىت بولادى. جەدەل ٸس-شارالار بٶلٸگٸندە دەكلاراتسييالاردى باقىلاۋ جەنە شىعارۋ جٶنٸندەگٸ كەدەندٸك فۋنكتسييالار ورتالىقتاندىرىلدى. 9 ۋەكٸلەتتٸ ەكونوميكالىق وپەراتورعا جەنە باسقا دا ٸرٸ يمپورتتاۋشىلارعا قاتىستى تەكسەرۋلەر اياقتالىپ قالدى. شەكاراداعى ەلەكتروندىق كەزەك جٷيەسٸن جەتٸلدٸرۋ بويىنشا جۇمىستار جٷرگٸزٸلۋدە. ۋەكٸلەتتٸ ەكونوميكالىق وپەراتورلارعا قويىلاتىن بٸلٸكتٸلٸك تالاپتارى زاڭنامالىق تٷردە كٷشەيتٸلەتٸن بولادى», - دەدٸ مينيستر.
ونىڭ اتاپ ٶتۋٸنشە, جٷيەلٸ شارالار اياسىندا استانا-1 جەنە ە-تەرەزە اقپاراتتىق جٷيەلەرٸ جەتٸلدٸرٸلۋدە. تەۋەكەلدەردٸ باسقارۋ جٷيەسٸنە سۋبەكتٸگە باعدارلانعان تەسٸل جەنە دەرەكتەردٸ ينتەللەكتۋالدى تالداۋ ەنگٸزٸلەدٸ. ەلەكتروندىق شوت-فاكتۋرالار نەگٸزٸندە تاۋارلاردى قاداعالاۋ جٷيەسٸن ودان ەرٸ دامىتۋ جٷرگٸزٸلٸپ جاتىر.
«بۇل يمپورتتان باستاپ تۇتىنۋشىعا دەيٸنگٸ بارلىق ٶتكٸزۋ تٸزبەگٸ بويىنشا سالىقتىق باقىلاۋعا مٷمكٸندٸك بەرەدٸ. بۇدان باسقا قحر-مەن كەدەندٸك ستاتيستيكانىڭ الشاقتىعىن تٶمەندەتۋ, سونداي-اق كەدەندٸك ينفراقۇرىلىمدى جاڭعىرتۋ بويىنشا كەشەندٸ ٸس-شارالار قابىلدانىپ جاتىر. جالپى, بيىلعى جىلى كەدەندٸك ەكٸمشٸلەندٸرۋدٸ كٷشەيتۋ ەسەبٸنەن رەسپۋبليكالىق بيۋدجەتكە قوسىمشا شامامەن 150 ملرد تەڭگە تٷسەدٸ دەپ جوسپارلانۋدا. بۇل جۇمىس جەتە باقىلاۋعا الىنعان», - دەدٸ ەرۇلان جاماۋباەۆ.
