Ońtústik Qazaqstan oblysy Qazyǵurt aýdanyndaǵy Jambyl Qapparov atyndaǵy №5 mamandandyrylǵan fizika-matematikalyq mektep internaty ótken oqý jylynyń qorytyndysy boiynsha elimizdegi úzdik 10 mekteptiń qataryna endi, - dep habarlaidy "Ult aqparat" ákimniń baspasóz qyzmetine silteme jasap.
Sebebi, atalǵan bilim uiasyn bitirip shyqqan túlekterdiń 98 paiyzy Ulttyq biryńǵai testileýde joǵary nátijege qol jetkizip, memlekettik grant ieleri atanyp otyr. Shákirtterin bilim nárimen sýsyndatyp otyrǵan 10 jyl ishinde ozat mektepter ondyǵyna ený - bul bilim uiasy úshin úlken mártebe.
Munda búginde aýdan, qalalardan kelgen 400-ge jýyq oqýshy oqyp jatyr. Al balalarǵa 48 joǵary bilimdi muǵalim, 2 fizika matematika ǵylymdarynyń kandidaty, 2 dotsent pen pedagogika ǵylymdarynyń kandidaty dəris beredi.
Mektep direktory Jańabai Ahmetovtyń aitýynsha, mundaǵy muǵalimderdiń 20-sy deńgeilik kýrstan ótken. Barlyq oqý materialdary jańartylǵan. Arnaiy fizika, matematika, himiia, biologiia, informatika mýltimediialyq kabinetter zaman talabyna sai jabdyqtalǵan.
Úsh qabatty ǵimaratta 29 oqý kabineti, 2 mýltimediialyq kabinet, pándik kabinetter, zerthanalar men sport zaly, kitaphana, 7 interaktivti qurylǵy, 15 synyp kesheni bar. Sonymen qosa, balalarǵa arnalǵan 300 oryndyq jataqhana men úsh mezgil ystyq tamaǵy bar.
Jańa oqý jylyn jaqsy jańalyqpen bastaǵan bilim oshaǵy endi sol biikte qalýdy maqsat tutyp otyr.
