وڭتٷستٸك قازاقستان وبلىسى قازىعۇرت اۋدانىنداعى جامبىل قاپپاروۆ اتىنداعى №5 مامانداندىرىلعان فيزيكا-ماتەماتيكالىق مەكتەپ ينتەرناتى ٶتكەن وقۋ جىلىنىڭ قورىتىندىسى بويىنشا ەلٸمٸزدەگٸ ٷزدٸك 10 مەكتەپتٸڭ قاتارىنا ەندٸ, - دەپ حابارلايدى "ۇلت اقپارات" ەكٸمنٸڭ باسپاسٶز قىزمەتٸنە سٸلتەمە جاساپ.
سەبەبٸ, اتالعان بٸلٸم ۇياسىن بٸتٸرٸپ شىققان تٷلەكتەردٸڭ 98 پايىزى ۇلتتىق بٸرىڭعاي تەستٸلەۋدە جوعارى نەتيجەگە قول جەتكٸزٸپ, مەملەكەتتٸك گرانت يەلەرٸ اتانىپ وتىر. شەكٸرتتەرٸن بٸلٸم نەرٸمەن سۋسىنداتىپ وتىرعان 10 جىل ٸشٸندە وزات مەكتەپتەر وندىعىنا ەنۋ - بۇل بٸلٸم ۇياسى ٷشٸن ٷلكەن مەرتەبە.
مۇندا بٷگٸندە اۋدان, قالالاردان كەلگەن 400-گە جۋىق وقۋشى وقىپ جاتىر. ال بالالارعا 48 جوعارى بٸلٸمدٸ مۇعالٸم, 2 فيزيكا ماتەماتيكا عىلىمدارىنىڭ كانديداتى, 2 دوتسەنت پەن پەداگوگيكا عىلىمدارىنىڭ كانديداتى دəرٸس بەرەدٸ.
مەكتەپ ديرەكتورى جاڭاباي احمەتوۆتىڭ ايتۋىنشا, مۇنداعى مۇعالٸمدەردٸڭ 20-سى دەڭگەيلٸك كۋرستان ٶتكەن. بارلىق وقۋ ماتەريالدارى جاڭارتىلعان. ارنايى فيزيكا, ماتەماتيكا, حيمييا, بيولوگييا, ينفورماتيكا مۋلتيمەدييالىق كابينەتتەر زامان تالابىنا ساي جابدىقتالعان.
ٷش قاباتتى عيماراتتا 29 وقۋ كابينەتٸ, 2 مۋلتيمەدييالىق كابينەت, پەندٸك كابينەتتەر, زەرتحانالار مەن سپورت زالى, كٸتاپحانا, 7 ينتەراكتيۆتٸ قۇرىلعى, 15 سىنىپ كەشەنٸ بار. سونىمەن قوسا, بالالارعا ارنالعان 300 ورىندىق جاتاقحانا مەن ٷش مەزگٸل ىستىق تاماعى بار.
جاڭا وقۋ جىلىن جاقسى جاڭالىقپەن باستاعان بٸلٸم وشاعى ەندٸ سول بيٸكتە قالۋدى ماقسات تۇتىپ وتىر.
