"QazMunaiGaz" ulttyq kompaniiasynyń investorlar alyndaǵy qaryzy 8 mlrd 366 mln dollarǵa jetken. Bul týraly kompaniia basshysy Maǵzum Myrzaǵaliev málimdedi, dep habarlaidy Sputnik Qazaqstan.
Búginde qaryzdyń basym bóligi – sheteldik investorlardyń qarjysy.
"30 maýsymdaǵy jaǵdai boiynsha, iaǵni 2022 jyldyń birinshi jartyjyldyǵy boiynsha kompaniianyń jalpy qaryzy 8 mlrd 366 mln dollardy qurady.
Bizde investorlar aldyndaǵy qaryzdy óteýdiń jatyq ári yńǵaily grafigi bar", - dedi Myrzaǵaliev astanada ótken brifingte.
Onyń aitýynsha, kompaniianyń qaryzy josparly túrde tómendep keledi. "QazMunaiGaz" birneshe jyldan beri eýrobondtar shyǵaryp, halyqaralyq naryqtarda ornalastyrady. 2014 jyly kompaniianyń qaryzy shamamen 19 mlrd dollar bolǵan.
Aita keteri, biyl "QazMunaiGaz" IPO-ǵa shyǵyp, 30,5 million jai aktsiiasyn satýdy josparlap otyr. Árbir aktsiianyń baǵasy – 8 406 teńge.
Búgin ulttyq kompaniia basshysy halyqqa satylatyn aktsiialardan qansha tabys tabýǵa bolatynyn da aitty.
