"قازمۇنايگاز" ۇلتتىق كومپانيياسىنىڭ ينۆەستورلار الىنداعى قارىزى 8 ملرد 366 ملن دوللارعا جەتكەن. بۇل تۋرالى كومپانييا باسشىسى ماعزۇم مىرزاعاليەۆ مەلٸمدەدٸ, دەپ حابارلايدى Sputnik قازاقستان.
بٷگٸندە قارىزدىڭ باسىم بٶلٸگٸ – شەتەلدٸك ينۆەستورلاردىڭ قارجىسى.
"30 ماۋسىمداعى جاعداي بويىنشا, ياعني 2022 جىلدىڭ بٸرٸنشٸ جارتىجىلدىعى بويىنشا كومپانييانىڭ جالپى قارىزى 8 ملرد 366 ملن دوللاردى قۇرادى.
بٸزدە ينۆەستورلار الدىنداعى قارىزدى ٶتەۋدٸڭ جاتىق ەرٸ ىڭعايلى گرافيگٸ بار", - دەدٸ مىرزاعاليەۆ استانادا ٶتكەن بريفينگتە.
ونىڭ ايتۋىنشا, كومپانييانىڭ قارىزى جوسپارلى تٷردە تٶمەندەپ كەلەدٸ. "قازمۇنايگاز" بٸرنەشە جىلدان بەرٸ ەۋروبوندتار شىعارىپ, حالىقارالىق نارىقتاردا ورنالاستىرادى. 2014 جىلى كومپانييانىڭ قارىزى شامامەن 19 ملرد دوللار بولعان.
ايتا كەتەرٸ, بيىل "قازمۇنايگاز" IPO-عا شىعىپ, 30,5 ميلليون جاي اكتسيياسىن ساتۋدى جوسپارلاپ وتىر. ەربٸر اكتسييانىڭ باعاسى – 8 406 تەڭگە.
بٷگٸن ۇلتتىق كومپانييا باسشىسى حالىققا ساتىلاتىن اكتسييالاردان قانشا تابىس تابۋعا بولاتىنىن دا ايتتى.
