Telegram-daǵy TENGENOMIKA kanaly álemdik ekonomikalyq ahýalǵa taldaý jasai otyryp, teńge baǵamynyń keleshegine qatysty boljamyn jariialady, dep habarlaidy "Ult aqparat".
«Kútkenimizdei keshe AQSh Federaldyq rezerv júiesi (FRJ) naryqqa qosymsha ótimdilikti engizý jolymen ekonomikany aqshalai jigerlendirý sharalarynyń kúsheitiletinin málimdedi. Osylaisha qazirgi REPO operatsiiasy arqyly kúndelikti jariialanǵan 175 mlrd AQSh dollaryna taǵy da úsh ailyq 500 mlrd AQSh dollary kólemindegi eki REPO (1 trln AQSh dollary kóleminde) jáne 90 mlrd AQSh dollaryna teń eki aptalyq REPO qosylady. Sonymen qatar Niý-Iork FRJ-sy sáýir aiynyń ortasyna deiin 60 mlrd AQSh dollaryna qazynalyq vekselderdi satyp alatyn bolady. Qysqarta aitqanda AQSh-tyń ortalyq banki naryqqa 1,5 trln AQSh dollary kóleminde aýqymdy qarjyny quiyp jatyr», - dep habarlaidy TENGENOMIKA kanaly.
Habarlamaǵa sáikes kelesi aptada FRJ-nyń kezekti otyrysy ótkizilip, onda bazalyq stavka qosymsha nólge deiin tómendetilýi, tipti san jaǵynan jeńildetýdiń QE4 – tórtinshi baǵdarlamasynyń bastalǵanyn resmi túrde jariialanýy múmkin. Jalpy ekonomikadaǵy aqshalai usynystardy arttyrýdyń san jaǵynan jeńildeýi men Tvist operatsiiasynyń úsh baǵdarlamasy bar.
«Óz kezeginde dollar massasynyń mundai aǵymy amerikalyq valiýtanyń ózindik qunyn túsirip, shikizat baǵasyn tómendetip, qarjylyq qorlardy demeýi múmkin. Atap aitqanda qazirdiń ózinde dollar 75 rýblden 73-ke túsip, Brent markaly munai barreline 32-den 35-ke kóterilgen. Mys ta 1,5 paiyzǵa qaita kóterilip, uzaǵynan quldyraǵan Máskeý birjasy 3,6 paiyzdyq ósimdi kórsetken. Osyǵan bailanysty atalǵan trendter jalǵasa berse (jalǵasý múmkindigi kóp) teńge baǵamy shuǵyl arada turaqtalýy múmkin», - delingen habarlamada.
