Telegram-داعى TENGENOMIKA كانالى ەلەمدٸك ەكونوميكالىق احۋالعا تالداۋ جاساي وتىرىپ, تەڭگە باعامىنىڭ كەلەشەگٸنە قاتىستى بولجامىن جارييالادى, دەپ حابارلايدى "ۇلت اقپارات".
«كٷتكەنٸمٸزدەي كەشە اقش فەدەرالدىق رەزەرۆ جٷيەسٸ (فرج) نارىققا قوسىمشا ٶتٸمدٸلٸكتٸ ەنگٸزۋ جولىمەن ەكونوميكانى اقشالاي جٸگەرلەندٸرۋ شارالارىنىڭ كٷشەيتٸلەتٸنٸن مەلٸمدەدٸ. وسىلايشا قازٸرگٸ رەپو وپەراتسيياسى ارقىلى كٷندەلٸكتٸ جارييالانعان 175 ملرد اقش دوللارىنا تاعى دا ٷش ايلىق 500 ملرد اقش دوللارى كٶلەمٸندەگٸ ەكٸ رەپو (1 ترلن اقش دوللارى كٶلەمٸندە) جەنە 90 ملرد اقش دوللارىنا تەڭ ەكٸ اپتالىق رەپو قوسىلادى. سونىمەن قاتار نيۋ-يورك فرج-سى سەۋٸر ايىنىڭ ورتاسىنا دەيٸن 60 ملرد اقش دوللارىنا قازىنالىق ۆەكسەلدەردٸ ساتىپ الاتىن بولادى. قىسقارتا ايتقاندا اقش-تىڭ ورتالىق بانكٸ نارىققا 1,5 ترلن اقش دوللارى كٶلەمٸندە اۋقىمدى قارجىنى قۇيىپ جاتىر», - دەپ حابارلايدى TENGENOMIKA كانالى.
حابارلاماعا سەيكەس كەلەسٸ اپتادا فرج-نىڭ كەزەكتٸ وتىرىسى ٶتكٸزٸلٸپ, وندا بازالىق ستاۆكا قوسىمشا نٶلگە دەيٸن تٶمەندەتٸلۋٸ, تٸپتٸ سان جاعىنان جەڭٸلدەتۋدٸڭ QE4 – تٶرتٸنشٸ باعدارلاماسىنىڭ باستالعانىن رەسمي تٷردە جارييالانۋى مٷمكٸن. جالپى ەكونوميكاداعى اقشالاي ۇسىنىستاردى ارتتىرۋدىڭ سان جاعىنان جەڭٸلدەۋٸ مەن تۆيست وپەراتسيياسىنىڭ ٷش باعدارلاماسى بار.
«ٶز كەزەگٸندە دوللار ماسساسىنىڭ مۇنداي اعىمى امەريكالىق ۆاليۋتانىڭ ٶزٸندٸك قۇنىن تٷسٸرٸپ, شيكٸزات باعاسىن تٶمەندەتٸپ, قارجىلىق قورلاردى دەمەۋٸ مٷمكٸن. اتاپ ايتقاندا قازٸردٸڭ ٶزٸندە دوللار 75 رۋبلدەن 73-كە تٷسٸپ, Brent ماركالى مۇناي باررەلٸنە 32-دەن 35-كە كٶتەرٸلگەن. مىس تا 1,5 پايىزعا قايتا كٶتەرٸلٸپ, ۇزاعىنان قۇلدىراعان مەسكەۋ بيرجاسى 3,6 پايىزدىق ٶسٸمدٸ كٶرسەتكەن. وسىعان بايلانىستى اتالعان ترەندتەر جالعاسا بەرسە (جالعاسۋ مٷمكٸندٸگٸ كٶپ) تەڭگە باعامى شۇعىل ارادا تۇراقتالۋى مٷمكٸن», - دەلٸنگەن حابارلامادا.
