قازاق ەستراداسىنىڭ تانىمال ەنشٸسٸ, كومپوزيتور زاتتىبەك كٶپبوسىنۇلى ٶمٸردەن ٶتكەن اتا-اناسىن ەسكە الىپ, كٶڭٸلٸندەگٸ ٶكٸنٸشٸمەن بٶلٸستٸ. ٶنەر يەسٸ اناسىنىڭ ورىندالماي قالعان ارمانى تۋرالى ايتىپ, جٷرەك تەبٸرەنتەرلٸك ەستەلٸكتەرٸن جەتكٸزدٸ, دەپ حابارلايدى ult.kz.

ەنشٸ بۇل تۋرالى "كەشكٸ الماتى" باعدارلاماسىندا ايتتى. ونىڭ سٶزٸنشە, ەكەسٸ بىلتىر 88 جاسىندا ٶمٸردەن ٶتكەن. زاتتىبەك كٶپبوسىنۇلى ەكەسٸنە پەرزەنتتٸك پارىزىن ٶتەي العانىمەن, اناسىنا دەل سونداي قامقورلىق كٶرسەتە الماعانىنا ٶكٸنەتٸنٸن جاسىرمادى.
"انامa جاساي الماعان قۇرمەتتٸ, پەرزەنتتٸك پارىزىمدى ەكەمە جاسادىم دەپ ويلايمىن. بٸراق بٸر ەتتەگەن-اي سول. انام مارقۇمعا دا سولاي قۇرمەت كٶرسەتسەم عوي دەپ ويلايمىن. ٶمٸر بويعى مەڭگٸلٸك ساعىنىش قوي. ول قايتىپ كەلمەيدٸ", – دەدٸ ەنشٸ.
ٶنەر يەسٸ بالا كٷنٸندەگٸ ەرەكشە بٸر ەستەلٸگٸن دە بٶلٸستٸ. ايتۋىنشا, كٸشكەنتاي كەزٸندە كەيبٸر دىبىستاردى دۇرىس ايتا الماعاندىقتان, اناسى ونى ەركەلەتٸپ "ساقاۋىم" دەپ اتاعان.
"كٸشكەنتاي كەزٸمدە تٸلٸمدٸ تٶسەپ سٶيلەيدٸ ەكەم. بٸزدە وندايلاردى "ساقاۋ" دەيدٸ عوي. مەنٸ شەشەم "ساقاۋىم" دەپ ەركەلەتەتٸن ەدٸ. ٶسكەننەن كەيٸن, ٷيلەنگەننەن كەيٸن "سەنٸڭ قولىڭا كەتٸپ قالامىن, ساقاۋىمنىڭ قولىنا بارىپ تۇرامىن" دەيتٸن. مەن دە جەتە المادىم وعان, ول كٸسٸ دە جەتە الماي كەتتٸ. سول بٸر ەتتەگەن-اي", – دەپ ەسكە الدى كومپوزيتور.
زاتتىبەك كٶپبوسىنۇلى اناسىنىڭ ٶزٸنٸڭ ٶنەرگە دەگەن قابٸلەتٸن بالا كٷنٸنەن بايقاپ, ەر جەتٸستٸگٸنە قۋانىپ وتىرعانىن ايتتى.
ەنشٸنٸڭ سٶزٸنشە, 1995–1996 جىلدارى شىمكەنت تەلەارناسىنداعى "تەرمە تاعىلىمى" باعدارلاماسىنا العاش قاتىسقاندا, اناسى وعان بالا كٷنگٸ ارمانىنىڭ بٸرتٸندەپ ورىندالىپ كەلە جاتقانىن ايتقان.
"شەشەم ايتىپ بەرگەن ەدٸ: "كٸشكەنتايىڭدا وسىلاي ارماندايتىن ەدٸڭ, سول ارمانىڭ جايلاپ ورىندالىپ كەلە جاتىر", – دەپ. بٸراق شەشەم مەنٸڭ بٷگٸنگٸ جەتكەن جەتٸستٸگٸمدٸ, 2006 جىلدان بەرگٸ ٶمٸرٸمدٸ كٶرە العان جوق. ول كٸسٸ 2001 جىلى قايتىپ كەتتٸ. ٶمٸر", – دەدٸ ەنشٸ.
وسىلايشا ٶنەر يەسٸ اناسىنىڭ ٶزٸنٸڭ ٷلكەن ساحناداعى جەتٸستٸكتەرٸنە كۋە بولا الماعانىن ٶمٸرٸندەگٸ ەڭ ٷلكەن ٶكٸنٸشتەرٸنٸڭ بٸرٸ رەتٸندە جەتكٸزدٸ.
زاتتىبەك كٶپبوسىنۇلى كٸم?
زاتتىبەك كٶپبوسىنۇلى – قازاق ەستراداسىنىڭ تانىمال ەنشٸسٸ, كومپوزيتور ەرٸ تەرمە ورىنداۋشىسى. ول 1974 جىلى قازٸرگٸ تٷركٸستان وبلىسى بەيدٸبەك اۋدانىنىڭ كەڭەس اۋىلىندا دٷنيەگە كەلگەن.
ٶنەر جولىن 1995 جىلى بەيدٸبەك اۋدانىنداعى "شالدار" بالالار ساز مەكتەبٸندە مۇعالٸم بولىپ باستاعان. كەيٸن مەدەنيەت ٷيٸندە, "شانشار" تەاترىندا جەنە شىمكەنت قالاسىنداعى بٸلٸم بەرۋ مەكەمەلەرٸندە قىزمەت اتقارعان.
2001 جەنە 2005 جىلدارى رەسپۋبليكالىق "شالقار تەرمەسٸ" بايقاۋىنىڭ لاۋرەاتى اتانعان.
ەنشٸ كٶپشٸلٸككە "اقمارجان", "نارتەۋەكەل", "كٸم ويلاعان?", "ورامال تاققان قىز" جەنە "جانىم, سەن بولماساڭ" ەندەرٸ ارقىلى كەڭٸنەن تانىلدى.