«Astana motors» kompaniiasynyń bas direktory Beknur Nesipbaev Almatyda ótken brifngte rýbldiń quldyraýy jaǵdaiynda Reseiden kólik satyp alý tiimdi me? degen suraqqa jaýap berdi, dep habarlaidy QazAqparat.
«Qazir teńge baǵamyn baqylap otyrmyn. Meniń oiymsha, 2015 jyly jiberilgen qatelikter qaitalanbaityn shyǵar. 2015 jyly rýbl qunsyzdanyp, teńge nyǵaidy, sáikesinshe, osynyń aiasynda kólikti Reseige baryp, satyp alý tiimdi boldy. Qazir rýbl qunsyzdanyp, onymen birge teńge de quldyrap jatqanyn kórip otyrmyz. Tiisinshe, eger araqatynas 5-ten 6-ǵa deiin bolsa, onda Reseige barýdyń qajeti joq. Eger odan tómen bolsa, árine, qarajat Resei Federatsiiasyna ketedi», - dedi bas direktor Beknur Nesipbaev.
Qazaqstan avtomobil biznesi qaýymdastyǵynyń strategiialyq damý jónindegi direktory Qairat Elamanov 2015 jyly teńgeni ustap turý kezinde kólikpen ainalysatyn kompaniia 30% kirisin joǵaltty.
«El Úkimeti bul joly mundai qatelik jibermeidi dep senemin», - dedi spiker.
Aita keteiik, 24 aqpanda Ýkraina tóńiregindegi jaǵdaidyń shielenisýi aiasynda rýbl baǵamy kúrt tómendep ketti.
