«استانا موتورس» كومپانيياسىنىڭ باس ديرەكتورى بەكنۇر نەسٸپباەۆ الماتىدا ٶتكەن بريفنگتە رۋبلدٸڭ قۇلدىراۋى جاعدايىندا رەسەيدەن كٶلٸك ساتىپ الۋ تيٸمدٸ مە? دەگەن سۇراققا جاۋاپ بەردٸ, دەپ حابارلايدى قازاقپارات.
«قازٸر تەڭگە باعامىن باقىلاپ وتىرمىن. مەنٸڭ ويىمشا, 2015 جىلى جٸبەرٸلگەن قاتەلٸكتەر قايتالانبايتىن شىعار. 2015 جىلى رۋبل قۇنسىزدانىپ, تەڭگە نىعايدى, سەيكەسٸنشە, وسىنىڭ اياسىندا كٶلٸكتٸ رەسەيگە بارىپ, ساتىپ الۋ تيٸمدٸ بولدى. قازٸر رۋبل قۇنسىزدانىپ, ونىمەن بٸرگە تەڭگە دە قۇلدىراپ جاتقانىن كٶرٸپ وتىرمىز. تيٸسٸنشە, ەگەر اراقاتىناس 5-تەن 6-عا دەيٸن بولسا, وندا رەسەيگە بارۋدىڭ قاجەتٸ جوق. ەگەر ودان تٶمەن بولسا, ەرينە, قاراجات رەسەي فەدەراتسيياسىنا كەتەدٸ», - دەدٸ باس ديرەكتور بەكنۇر نەسٸپباەۆ.
قازاقستان اۆتوموبيل بيزنەسٸ قاۋىمداستىعىنىڭ ستراتەگييالىق دامۋ جٶنٸندەگٸ ديرەكتورى قايرات ەلامانوۆ 2015 جىلى تەڭگەنٸ ۇستاپ تۇرۋ كەزٸندە كٶلٸكپەن اينالىساتىن كومپانييا 30% كٸرٸسٸن جوعالتتى.
«ەل ٷكٸمەتٸ بۇل جولى مۇنداي قاتەلٸك جٸبەرمەيدٸ دەپ سەنەمٸن», - دەدٸ سپيكەر.
ايتا كەتەيٸك, 24 اقپاندا ۋكراينا تٶڭٸرەگٸندەگٸ جاعدايدىڭ شيەلەنٸسۋٸ اياسىندا رۋبل باعامى كٷرت تٶمەندەپ كەتتٸ.
