Premer-Ministr Asqar Maminniń tóraǵalyǵymen ótken Úkimet otyrysynda kún tártibinen tys Qordai aýdanyndaǵy oqiǵa týraly másele jáne onyń saldaryn joiý jónindegi Úkimet komissiiasynyń atqarǵan jumysy qaraldy, dep habarlaidy "Ult aqparat" primeminister.kz saityna silteme jasap.
Premer-Ministr Asqar Mamin ótken juma kúni Jambyl oblysynyń Qordai aýdanynda jappai tártipsizdik oryn alǵanyn eske saldy.
«Ókinishke orai, qaiǵyly oqiǵa saldarynan 10 adam qaza tapty, 178 adam zardap shekti. Sonymen qatar turǵyn úiler men kommertsiialyq nysandarǵa, azamattardyń múlikterine zalal keltirildi.
Bul kúnderi Berdibek Saparbaevtyń tóraǵalyǵymen Qordai aýdanyndaǵy oqiǵa saldaryn joiý jónindegi Úkimet komissiiasy jumys istedi.
Ózderińiz biletindei, Memleket basshysynyń Jarlyǵymen Berdibek Mashbekuly Saparbaev Jambyl oblysynyń ákimi bolyp taǵaiyndaldy. Berdibek Mashbekuly Úkimet komissiiasyn basqarýdy jalǵastyrady. Úkimet tarapynan barlyq qajetti qoldaý sharalary kórsetiletin bolady», — dedi A. Mamin.
Osylaisha Úkimet basshysy Úkimet komissiiasynyń jumysyn jalǵastyrýdy tapsyrdy.
«Berdibek Saparbaev atap ótkendei, búginde Jambyl oblysynyń Qordai aýdanynda jaǵdai turaqty. Jergilikti atqarýshy organdar barlyq quqyq qorǵaý organdarynyń qoldaýymen jumystar júrgizýde. Sońǵy 5 kúnde 141 adam meditsinalyq kómekke júgindi, onyń ishinde 19 — politsiia qyzmetkeri. 10 adam qaza tapty. Qazaq tapqandardyń otbasylaryna ákimdik pen jergilikti demeýshilerdiń esebinen kómek kórsetildi. Komissiia músheleri Memleket basshysynyń atynan ár otbasyǵa kóńil aitty», - dedi ol.
Búginde meditsinalyq kómekpen Qordai aýdandyq aýrýhanasynda - 13 adam, Almaty qalasynda - 25 adam qamtyldy. Almatydan Qordai aýdanyna 10 joǵary bilikti dáriger keldi.
«Qyrǵyzstanǵa ketken barlyq 9 adamdy biz aldymen Almatyǵa ákeldik, sosyn Tarazǵa jetkizdik. Qazir ol jaqta adam joq. Barlyq qajetti meditsinalyq kómek kórsetilýde», — dedi B. Saparbaev.
Búginde Úkimet komissiiasy jergilikti turǵyndardyń kómegimen órtengen úiler men kommertsiialyq nysandardy qarap, tekserip jatyr. Aldaǵy 1-2 kúnde Komissiia olardyń naqty sany týraly jáne zardap shekkenderdiń qandai kómekke muqtaj ekeni jaily aqparat beredi.
«Bul úsh kúnde biz 5 aýyldyń turǵyndarymen kezdestik, olarǵa qandai kómek kórsetiletinin naqtyladyq. Jalpy, turǵyndar jaǵdaidy durys túsinip otyr. Keshe biz aqsaqaldarmen kezdestik, olarmen sóilestik», — dedi B. Saparbaev.
Úsh kún ishinde keibir azamattar Qyrǵyzstanǵa ketip qalǵan. B. Saparbaevtyń aitýynsha, eki kún ishinde 8 myńǵa jýyq azamat qaitaryldy.
Kesheden beri barlyq mektepter, balabaqshalar qalypty rejimde jumys istep jatyr, barlyq dúkenderde de jumys bastaldy.
«Qazir turǵyn úiler men saýda nysandaryn salýǵa jergilikti qurylys kompaniialary men jergilikti turǵyndar tartylatyn bolady. Biz biznesmendermen - Qordai aýdanynyń týmalarymen jumys isteimiz, olar kómektesýge ázir. Olardyń múmkindikterin paidalanatyn bolamyz. Barlyq jaǵdai baqylaýda. Barlyǵy qalpyna keledi dep oilaimyn. Árine, keibir máseleler bar, olardy jaqyn arada sheshetin bolamyz», — dep túiindedi B. Saparbaev.
