پرەمەر-مينيستر اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا كٷن تەرتٸبٸنەن تىس قورداي اۋدانىنداعى وقيعا تۋرالى مەسەلە جەنە ونىڭ سالدارىن جويۋ جٶنٸندەگٸ ٷكٸمەت كوميسسيياسىنىڭ اتقارعان جۇمىسى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
پرەمەر-مينيستر اسقار مامين ٶتكەن جۇما كٷنٸ جامبىل وبلىسىنىڭ قورداي اۋدانىندا جاپپاي تەرتٸپسٸزدٸك ورىن العانىن ەسكە سالدى.
«ٶكٸنٸشكە وراي, قايعىلى وقيعا سالدارىنان 10 ادام قازا تاپتى, 178 ادام زارداپ شەكتٸ. سونىمەن قاتار تۇرعىن ٷيلەر مەن كوممەرتسييالىق نىساندارعا, ازاماتتاردىڭ مٷلٸكتەرٸنە زالال كەلتٸرٸلدٸ.
بۇل كٷندەرٸ بەردٸبەك ساپارباەۆتىڭ تٶراعالىعىمەن قورداي اۋدانىنداعى وقيعا سالدارىن جويۋ جٶنٸندەگٸ ٷكٸمەت كوميسسيياسى جۇمىس ٸستەدٸ.
ٶزدەرٸڭٸز بٸلەتٸندەي, مەملەكەت باسشىسىنىڭ جارلىعىمەن بەردٸبەك ماشبەكۇلى ساپارباەۆ جامبىل وبلىسىنىڭ ەكٸمٸ بولىپ تاعايىندالدى. بەردٸبەك ماشبەكۇلى ٷكٸمەت كوميسسيياسىن باسقارۋدى جالعاستىرادى. ٷكٸمەت تاراپىنان بارلىق قاجەتتٸ قولداۋ شارالارى كٶرسەتٸلەتٸن بولادى», — دەدٸ ا. مامين.
وسىلايشا ٷكٸمەت باسشىسى ٷكٸمەت كوميسسيياسىنىڭ جۇمىسىن جالعاستىرۋدى تاپسىردى.
«بەردٸبەك ساپارباەۆ اتاپ ٶتكەندەي, بٷگٸندە جامبىل وبلىسىنىڭ قورداي اۋدانىندا جاعداي تۇراقتى. جەرگٸلٸكتٸ اتقارۋشى ورگاندار بارلىق قۇقىق قورعاۋ ورگاندارىنىڭ قولداۋىمەن جۇمىستار جٷرگٸزۋدە. سوڭعى 5 كٷندە 141 ادام مەديتسينالىق كٶمەككە جٷگٸندٸ, ونىڭ ٸشٸندە 19 — پوليتسييا قىزمەتكەرٸ. 10 ادام قازا تاپتى. قازاق تاپقانداردىڭ وتباسىلارىنا ەكٸمدٸك پەن جەرگٸلٸكتٸ دەمەۋشٸلەردٸڭ ەسەبٸنەن كٶمەك كٶرسەتٸلدٸ. كوميسسييا مٷشەلەرٸ مەملەكەت باسشىسىنىڭ اتىنان ەر وتباسىعا كٶڭٸل ايتتى», - دەدٸ ول.
بٷگٸندە مەديتسينالىق كٶمەكپەن قورداي اۋداندىق اۋرۋحاناسىندا - 13 ادام, الماتى قالاسىندا - 25 ادام قامتىلدى. الماتىدان قورداي اۋدانىنا 10 جوعارى بٸلٸكتٸ دەرٸگەر كەلدٸ.
«قىرعىزستانعا كەتكەن بارلىق 9 ادامدى بٸز الدىمەن الماتىعا ەكەلدٸك, سوسىن تارازعا جەتكٸزدٸك. قازٸر ول جاقتا ادام جوق. بارلىق قاجەتتٸ مەديتسينالىق كٶمەك كٶرسەتٸلۋدە», — دەدٸ ب. ساپارباەۆ.
بٷگٸندە ٷكٸمەت كوميسسيياسى جەرگٸلٸكتٸ تۇرعىنداردىڭ كٶمەگٸمەن ٶرتەنگەن ٷيلەر مەن كوممەرتسييالىق نىسانداردى قاراپ, تەكسەرٸپ جاتىر. الداعى 1-2 كٷندە كوميسسييا ولاردىڭ ناقتى سانى تۋرالى جەنە زارداپ شەككەندەردٸڭ قانداي كٶمەككە مۇقتاج ەكەنٸ جايلى اقپارات بەرەدٸ.
«بۇل ٷش كٷندە بٸز 5 اۋىلدىڭ تۇرعىندارىمەن كەزدەستٸك, ولارعا قانداي كٶمەك كٶرسەتٸلەتٸنٸن ناقتىلادىق. جالپى, تۇرعىندار جاعدايدى دۇرىس تٷسٸنٸپ وتىر. كەشە بٸز اقساقالدارمەن كەزدەستٸك, ولارمەن سٶيلەستٸك», — دەدٸ ب. ساپارباەۆ.
ٷش كٷن ٸشٸندە كەيبٸر ازاماتتار قىرعىزستانعا كەتٸپ قالعان. ب. ساپارباەۆتىڭ ايتۋىنشا, ەكٸ كٷن ٸشٸندە 8 مىڭعا جۋىق ازامات قايتارىلدى.
كەشەدەن بەرٸ بارلىق مەكتەپتەر, بالاباقشالار قالىپتى رەجيمدە جۇمىس ٸستەپ جاتىر, بارلىق دٷكەندەردە دە جۇمىس باستالدى.
«قازٸر تۇرعىن ٷيلەر مەن ساۋدا نىساندارىن سالۋعا جەرگٸلٸكتٸ قۇرىلىس كومپانييالارى مەن جەرگٸلٸكتٸ تۇرعىندار تارتىلاتىن بولادى. بٸز بيزنەسمەندەرمەن - قورداي اۋدانىنىڭ تۋمالارىمەن جۇمىس ٸستەيمٸز, ولار كٶمەكتەسۋگە ەزٸر. ولاردىڭ مٷمكٸندٸكتەرٸن پايدالاناتىن بولامىز. بارلىق جاعداي باقىلاۋدا. بارلىعى قالپىنا كەلەدٸ دەپ ويلايمىن. ەرينە, كەيبٸر مەسەلەلەر بار, ولاردى جاقىن ارادا شەشەتٸن بولامىز», — دەپ تٷيٸندەدٸ ب. ساپارباەۆ.
