Qazirgi tańda aqshany qai valiýtada ustaǵan durys? BAQ ókilderiniń bul suraǵyna Úkimettiń baspasóz ortalyǵynda Ulttyq ekonomika ministri Rýslan Dálenov jaýap berdi, dep habarlaidy "Ult aqparat".
«Bul jerde árkimniń ózindik strategiiasy jeke sipatqa ie. Bári de ár azamattyń óziniń shyǵynyna bailanysty. Eger sizdiń shyǵynyńyz – ulttyq valiýta, iaǵni teńge arqyly shyǵyp jatsa, álbette qarajatty teńgemen saqtaǵan abzal. Al eger shyǵynyńyz basqa valiýta arqyly shyǵyp jatsa, onda qarajatyńyzdyń bir bóligin sol valiýtada saqtaǵan durys. Meniń jeke pikirim osyndai», - dedi Rýslan Dálenov.
Eske sala ketsek, keshe keibir valiýta aiyrbastaý oryndary bir dollardy 400 teńgege baǵalap, el ishinde edáýir alańdaýshylyq bolǵan edi.
«Kóp jaǵdaida kúigelektik saldarynan bolǵan aýytqýlar bolyp jatyr, iaǵni bireýler úshin bul spekýliativtik áreket. Olar osyndai jaǵdaidy qasaqana týyndatady. Meniń oiymsha, jaǵdai túzelýi tiis», - dedi bul jaǵdaiǵa qatysty pikir bildirgen ekonomist Sergei Domnin.
