قازٸرگٸ تاڭدا اقشانى قاي ۆاليۋتادا ۇستاعان دۇرىس? باق ٶكٸلدەرٸنٸڭ بۇل سۇراعىنا ٷكٸمەتتٸڭ باسپاسٶز ورتالىعىندا ۇلتتىق ەكونوميكا مينيسترٸ رۋسلان دەلەنوۆ جاۋاپ بەردٸ, دەپ حابارلايدى "ۇلت اقپارات".
«بۇل جەردە ەركٸمنٸڭ ٶزٸندٸك ستراتەگيياسى جەكە سيپاتقا يە. بەرٸ دە ەر ازاماتتىڭ ٶزٸنٸڭ شىعىنىنا بايلانىستى. ەگەر سٸزدٸڭ شىعىنىڭىز – ۇلتتىق ۆاليۋتا, ياعني تەڭگە ارقىلى شىعىپ جاتسا, ەلبەتتە قاراجاتتى تەڭگەمەن ساقتاعان ابزال. ال ەگەر شىعىنىڭىز باسقا ۆاليۋتا ارقىلى شىعىپ جاتسا, وندا قاراجاتىڭىزدىڭ بٸر بٶلٸگٸن سول ۆاليۋتادا ساقتاعان دۇرىس. مەنٸڭ جەكە پٸكٸرٸم وسىنداي», - دەدٸ رۋسلان دەلەنوۆ.
ەسكە سالا كەتسەك, كەشە كەيبٸر ۆاليۋتا ايىرباستاۋ ورىندارى بٸر دوللاردى 400 تەڭگەگە باعالاپ, ەل ٸشٸندە ەدەۋٸر الاڭداۋشىلىق بولعان ەدٸ.
«كٶپ جاعدايدا كٷيگەلەكتٸك سالدارىنان بولعان اۋىتقۋلار بولىپ جاتىر, ياعني بٸرەۋلەر ٷشٸن بۇل سپەكۋلياتيۆتٸك ەرەكەت. ولار وسىنداي جاعدايدى قاساقانا تۋىنداتادى. مەنٸڭ ويىمشا, جاعداي تٷزەلۋٸ تيٸس», - دەدٸ بۇل جاعدايعا قاتىستى پٸكٸر بٸلدٸرگەن ەكونوميست سەرگەي دومنين.
