Kazinoǵa 507 mln teńge uttyrǵan memlekettik qyzmetkerler arasynda Qarjy monitoringi agenttiginiń qyzmetkeri bolǵan. Bul týraly ortalyq kommýnikatsiialar qyzmetinde ótken brifingide aityldy, dep habarlaidy QazAqparat.

«Qazan aiynda 300-den astam memqyzmetker kazinoǵa 500 mln teńgeden astam aqsha uttyrǵany aitylǵan edi. Solarǵa qandai shara qoldanylyp jatyr?» dep surady BAQ ókili brifingide.

Qarjy monitoringi agenttigi kadrlyq jumys departamentiniń direktory Nurlan Adalievtiń aitýynsha, atalǵan derek boiynsha tiisti memlekettik organdar qyzmettik tergeý júrgizip jatyr.

Olardyń arasynda agenttik ókilderi de bar kórinedi.

«Shynymen de atalǵan sholýda agenttiktiń birqatar qyzmetkeri ataldy. Búkil derekter boiynsha qyzmettik tergeý júrgizildi. Tórt qyzmetker ol jerde qyzmet babymen júrgen. Zańda ondai másele kózdelgenin bilesizder. Biz tiisti tergeý júrgizdik. Eki qyzmetkerdiń faktisi rastaldy. Olar qyzmetke tolyqqandy sai kelmeitini týraly eskertý túrinde qatań ákimshilik jaýapqa tartyldy», - dedi departament direktory.

Onyń aitýynsha, agenttiktiń osy iste aty atalǵan ózge qyzmetkerleri oqiǵa kezinde vedomstvoda jumys istemeitin.