كازينوعا 507 ملن تەڭگە ۇتتىرعان مەملەكەتتٸك قىزمەتكەرلەر اراسىندا قارجى مونيتورينگٸ اگەنتتٸگٸنٸڭ قىزمەتكەرٸ بولعان. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە ايتىلدى, دەپ حابارلايدى قازاقپارات.
«قازان ايىندا 300-دەن استام مەمقىزمەتكەر كازينوعا 500 ملن تەڭگەدەن استام اقشا ۇتتىرعانى ايتىلعان ەدٸ. سولارعا قانداي شارا قولدانىلىپ جاتىر?» دەپ سۇرادى باق ٶكٸلٸ بريفينگٸدە.
قارجى مونيتورينگٸ اگەنتتٸگٸ كادرلىق جۇمىس دەپارتامەنتٸنٸڭ ديرەكتورى نۇرلان اداليەۆتٸڭ ايتۋىنشا, اتالعان دەرەك بويىنشا تيٸستٸ مەملەكەتتٸك ورگاندار قىزمەتتٸك تەرگەۋ جٷرگٸزٸپ جاتىر.
ولاردىڭ اراسىندا اگەنتتٸك ٶكٸلدەرٸ دە بار كٶرٸنەدٸ.
«شىنىمەن دە اتالعان شولۋدا اگەنتتٸكتٸڭ بٸرقاتار قىزمەتكەرٸ اتالدى. بٷكٸل دەرەكتەر بويىنشا قىزمەتتٸك تەرگەۋ جٷرگٸزٸلدٸ. تٶرت قىزمەتكەر ول جەردە قىزمەت بابىمەن جٷرگەن. زاڭدا ونداي مەسەلە كٶزدەلگەنٸن بٸلەسٸزدەر. بٸز تيٸستٸ تەرگەۋ جٷرگٸزدٸك. ەكٸ قىزمەتكەردٸڭ فاكتٸسٸ راستالدى. ولار قىزمەتكە تولىققاندى ساي كەلمەيتٸنٸ تۋرالى ەسكەرتۋ تٷرٸندە قاتاڭ ەكٸمشٸلٸك جاۋاپقا تارتىلدى», - دەدٸ دەپارتامەنت ديرەكتورى.
ونىڭ ايتۋىنشا, اگەنتتٸكتٸڭ وسى ٸستە اتى اتالعان ٶزگە قىزمەتكەرلەرٸ وقيعا كەزٸندە ۆەدومستۆودا جۇمىس ٸستەمەيتٸن.
