"QazAvtoJol" jáne "Kazahavtodor" biryńǵai jol kompaniiasyna biriktirildi. Bul týraly Indýstriia jáne infraqurylymdyq damý ministrligi habarlady.
"Biyl shilde aiynda Memleket basshysy Qasym-Jomart Toqaev Úkimettiń keńeitilgen otyrysynda «QazAvtoJol» men «Kazahavtodordy» biriktirip, birtutas avtojol kompaniiasyn qurýdy tapsyrǵan bolatyn.
Prezident tapsyrmasyn júzege asyrý maqsatynda Indýstriia jáne infraqurylymdyq damý ministrligi atalǵan eki jol operatoryn biriktirý boiynsha Úkimet qaýlysynyń jobasyn daiyndady. Jobada «QazAvtoJol» Ulttyq kompaniiasy «Kazahavtodor» JShS-daǵy memlekettik úlesti satyp alý jolymen ulttyq kompaniiany Biryńǵai avtojol operatory retinde qaita qurý qarastyryldy. Atap aitqanda, atalǵan kompaniialardyń oblystyq filialdarynyń ákimshilik-basqarý personalyn qysqartý jolymen biriktirý jáne qaitalanatyn fýnktsiialardy qysqartý" - delingen habarlamada.
Osylaisha, qazirgi tańda «QazAvtoJol» jáne «Kazahavtodor» biryńǵai jol kompaniiasyna biriktirilgen.
"Qolǵa alynǵan sharalar respýblikalyq mańyzy bar joldardy táýlik boiy kútip ustaýdy qamtamasyz etýde jedel ári naqty sheshim qabyldaýǵa úlken septigin tigizbek" - deidi vedomstvonyń baspasóz qyzmeti.
«Qazir elimizdegi joldyń jai-kúiin qadaǵalap, qyzmet kórsetetin eki negizgi operator bar. Týrasyn aitsaq, ekeýi de bir jumysty atqaryp otyr, jumysshylarynyń sany da qajetti shamadan artyq. Soǵan qaramastan, azamattardan kelip jatqan oryndy aryz-shaǵymdar azaiar emes, al joldyń sapasy múlde syn kótermeidi», – degen edi Prezident Úkimettiń keńeitilgen otyrysynda.
