"قازاۆتوجول" جەنە "كازاحاۆتودور" بٸرىڭعاي جول كومپانيياسىنا بٸرٸكتٸرٸلدٸ. بۇل تۋرالى يندۋسترييا جەنە ينفراقۇرىلىمدىق دامۋ مينيسترلٸگٸ حابارلادى.
"بيىل شٸلدە ايىندا مەملەكەت باسشىسى قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا «قازاۆتوجول» مەن «كازاحاۆتودوردى» بٸرٸكتٸرٸپ, بٸرتۇتاس اۆتوجول كومپانيياسىن قۇرۋدى تاپسىرعان بولاتىن.
پرەزيدەنت تاپسىرماسىن جٷزەگە اسىرۋ ماقساتىندا يندۋسترييا جەنە ينفراقۇرىلىمدىق دامۋ مينيسترلٸگٸ اتالعان ەكٸ جول وپەراتورىن بٸرٸكتٸرۋ بويىنشا ٷكٸمەت قاۋلىسىنىڭ جوباسىن دايىندادى. جوبادا «قازاۆتوجول» ۇلتتىق كومپانيياسى «كازاحاۆتودور» جشس-داعى مەملەكەتتٸك ٷلەستٸ ساتىپ الۋ جولىمەن ۇلتتىق كومپانييانى بٸرىڭعاي اۆتوجول وپەراتورى رەتٸندە قايتا قۇرۋ قاراستىرىلدى. اتاپ ايتقاندا, اتالعان كومپانييالاردىڭ وبلىستىق فيليالدارىنىڭ ەكٸمشٸلٸك-باسقارۋ پەرسونالىن قىسقارتۋ جولىمەن بٸرٸكتٸرۋ جەنە قايتالاناتىن فۋنكتسييالاردى قىسقارتۋ" - دەلٸنگەن حابارلامادا.
وسىلايشا, قازٸرگٸ تاڭدا «قازاۆتوجول» جەنە «كازاحاۆتودور» بٸرىڭعاي جول كومپانيياسىنا بٸرٸكتٸرٸلگەن.
"قولعا الىنعان شارالار رەسپۋبليكالىق ماڭىزى بار جولداردى تەۋلٸك بويى كٷتٸپ ۇستاۋدى قامتاماسىز ەتۋدە جەدەل ەرٸ ناقتى شەشٸم قابىلداۋعا ٷلكەن سەپتٸگٸن تيگٸزبەك" - دەيدٸ ۆەدومستۆونىڭ باسپاسٶز قىزمەتٸ.
«قازٸر ەلٸمٸزدەگٸ جولدىڭ جاي-كٷيٸن قاداعالاپ, قىزمەت كٶرسەتەتٸن ەكٸ نەگٸزگٸ وپەراتور بار. تۋراسىن ايتساق, ەكەۋٸ دە بٸر جۇمىستى اتقارىپ وتىر, جۇمىسشىلارىنىڭ سانى دا قاجەتتٸ شامادان ارتىق. سوعان قاراماستان, ازاماتتاردان كەلٸپ جاتقان ورىندى ارىز-شاعىمدار ازايار ەمەس, ال جولدىڭ ساپاسى مٷلدە سىن كٶتەرمەيدٸ», – دەگەن ەدٸ پرەزيدەنت ٷكٸمەتتٸڭ كەڭەيتٸلگەن وتىرىسىندا.
