Sýret: ©️ Tengrinews.kz / Turar Qazanǵapov
"QazAvtoJol" ulttyq kompaniiasynyń Aqmola oblystyq filialy tender ótkizbei, 2,3 milliard teńgege mámile jasaǵan. Zańbuzýshylyqty Kókshetaý kólik prokýratýrasy anyqtady, dep habarlaidy "Ult aqparat" Bas kólik prokýratýrasyna silteme jasap.
"QazAvtoJol" UK" AQ-nyń Aqmola oblystyq filialy Esil ózeni arqyly ótetin kópirdiń apatty jaǵdaida turǵanyn jeleý etip, konkýrs ótkizbesten zańsyz shart jasasqan.
Osy mámile boiynsha 2,3 mlrd teńgege respýblikalyq mańyzy bar "Jaqsy-Esil-Buzylyq" avtojolyna kúrdeli jóndeý júrgizilip, jańa kópir salý josparlanǵan.
"Alaida kópir shuǵyl aralasýdy qajet etetin jaǵdaida bolmaǵan. Básekelestik protsedýralardy ótkizýge kedergi keltiretin basqa da kúsh pen tehnologiialyq buzýshylyqtar anyqtalmady", - delingen vedomstvo habarlamasynda.
Bekitilgen kelisim aiasynda filial merdigerdiń shotyna 200 mln teńge avans aýdarǵan, alaida jumys múlde bastalmaǵan.
Osy jaǵdailardyń barlyǵy aýditorlardyń 2022 jylǵy 13 jeltoqsandaǵy qorytyndysymen rastalǵan. Biraq merdiger onymen kelispei, sotqa shaǵymdanǵan.
"Sot 30 mamyrda isti qaraý nátijesinde ishki aýdittiń qorytyndysyn (esebin) jaramsyz dep taný týraly talapty qanaǵattandyrýdan bas tartty. Sot aktisi 2023 jylǵy 23 tamyzda kúshine endi.
Filialdyń laýazymdy tulǵalarynyń áreketine quqyqtyq baǵa berý úshin Qylmystyq kodekstiń 189-baby 4-bóligi boiynsha, bótenniń senip tapsyrǵan múlkin iemdengeni úshin sotqa deiingi tergeý bastaldy" - delingen habarlamada.
