سۋرەت: ©️ Tengrinews.kz / تۇرار قازانعاپوۆ
"قازاۆتوجول" ۇلتتىق كومپانيياسىنىڭ اقمولا وبلىستىق فيليالى تەندەر ٶتكٸزبەي, 2,3 ميلليارد تەڭگەگە مەمٸلە جاساعان. زاڭبۇزۋشىلىقتى كٶكشەتاۋ كٶلٸك پروكۋراتۋراسى انىقتادى, دەپ حابارلايدى "ۇلت اقپارات" باس كٶلٸك پروكۋراتۋراسىنا سٸلتەمە جاساپ.
"قازاۆتوجول" ۇك" اق-نىڭ اقمولا وبلىستىق فيليالى ەسٸل ٶزەنٸ ارقىلى ٶتەتٸن كٶپٸردٸڭ اپاتتى جاعدايدا تۇرعانىن جەلەۋ ەتٸپ, كونكۋرس ٶتكٸزبەستەن زاڭسىز شارت جاساسقان.
وسى مەمٸلە بويىنشا 2,3 ملرد تەڭگەگە رەسپۋبليكالىق ماڭىزى بار "جاقسى-ەسٸل-بۇزىلىق" اۆتوجولىنا كٷردەلٸ جٶندەۋ جٷرگٸزٸلٸپ, جاڭا كٶپٸر سالۋ جوسپارلانعان.
"الايدا كٶپٸر شۇعىل ارالاسۋدى قاجەت ەتەتٸن جاعدايدا بولماعان. بەسەكەلەستٸك پروتسەدۋرالاردى ٶتكٸزۋگە كەدەرگٸ كەلتٸرەتٸن باسقا دا كٷش پەن تەحنولوگييالىق بۇزۋشىلىقتار انىقتالمادى", - دەلٸنگەن ۆەدومستۆو حابارلاماسىندا.
بەكٸتٸلگەن كەلٸسٸم اياسىندا فيليال مەردٸگەردٸڭ شوتىنا 200 ملن تەڭگە اۆانس اۋدارعان, الايدا جۇمىس مٷلدە باستالماعان.
وسى جاعدايلاردىڭ بارلىعى اۋديتورلاردىڭ 2022 جىلعى 13 جەلتوقسانداعى قورىتىندىسىمەن راستالعان. بٸراق مەردٸگەر ونىمەن كەلٸسپەي, سوتقا شاعىمدانعان.
"سوت 30 مامىردا ٸستٸ قاراۋ نەتيجەسٸندە ٸشكٸ اۋديتتٸڭ قورىتىندىسىن (ەسەبٸن) جارامسىز دەپ تانۋ تۋرالى تالاپتى قاناعاتتاندىرۋدان باس تارتتى. سوت اكتٸسٸ 2023 جىلعى 23 تامىزدا كٷشٸنە ەندٸ.
فيليالدىڭ لاۋازىمدى تۇلعالارىنىڭ ەرەكەتٸنە قۇقىقتىق باعا بەرۋ ٷشٸن قىلمىستىق كودەكستٸڭ 189-بابى 4-بٶلٸگٸ بويىنشا, بٶتەننٸڭ سەنٸپ تاپسىرعان مٷلكٸن يەمدەنگەنٸ ٷشٸن سوتقا دەيٸنگٸ تەرگەۋ باستالدى" - دەلٸنگەن حابارلامادا.
