Respýblikalyq jedel-qutqarý jasaǵynyń qutqarýshylary tikushaqpen týristerge kómekke attandy, dep habarlaidy "Ult aqparat" Tótenshe jaǵdailar komitetiniń baspasóz qyzmetine silteme jasap.
«6.58-de Respýblikalyq jedel-qutqarý jasaǵynyń qutqarýshylary Qazaviaqutqarý tikushaǵymen Qyrǵyzstan Respýblikasyndaǵy Skriabin muzdyǵy aýdanyna ushyp ketti. Aldyn ala aqparat boiynsha, munda keshe teńiz deńgeiinen 4100 metr biiktikte týrister tasqulamaǵa tap bolǵan.
9 adamnan, sonyń ishinde eki kinologiialyq toptan quralǵan jedel top Almatydan MI-171tikushaǵymen ushyp ketti», - delingen habarlamada.
Eske salaiyq, 30 shildede Qyrǵyzstan aýmaǵynda Bishkek qalasynan 40 shaqyrym qashyqtyqta Skriabin muzdyǵy aýdanynda bir top týrister tasqulamaǵa tap bolǵan edi. Zardap shegýshilerdiń arasynda tórt Qazaqstan azamaty bar. QR Syrtqy ister ministrligi Qyrǵyzstandaǵy tasqulama kezinde qazaqstandyqtyń mert bolǵanyn rastady.
