رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى تٸكۇشاقپەن تۋريستەرگە كٶمەككە اتتاندى, دەپ حابارلايدى "ۇلت اقپارات" تٶتەنشە جاعدايلار كوميتەتٸنٸڭ باسپاسٶز قىزمەتٸنە سٸلتەمە جاساپ.
«6.58-دە رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى قازاۆياقۇتقارۋ تٸكۇشاعىمەن قىرعىزستان رەسپۋبليكاسىنداعى سكريابين مۇزدىعى اۋدانىنا ۇشىپ كەتتٸ. الدىن الا اقپارات بويىنشا, مۇندا كەشە تەڭٸز دەڭگەيٸنەن 4100 مەتر بيٸكتٸكتە تۋريستەر تاسقۇلاماعا تاپ بولعان.
9 ادامنان, سونىڭ ٸشٸندە ەكٸ كينولوگييالىق توپتان قۇرالعان جەدەل توپ الماتىدان مي-171تٸكۇشاعىمەن ۇشىپ كەتتٸ», - دەلٸنگەن حابارلامادا.
ەسكە سالايىق, 30 شٸلدەدە قىرعىزستان اۋماعىندا بٸشكەك قالاسىنان 40 شاقىرىم قاشىقتىقتا سكريابين مۇزدىعى اۋدانىندا بٸر توپ تۋريستەر تاسقۇلاماعا تاپ بولعان ەدٸ. زارداپ شەگۋشٸلەردٸڭ اراسىندا تٶرت قازاقستان ازاماتى بار. قر سىرتقى ٸستەر مينيسترلٸگٸ قىرعىزستانداعى تاسقۇلاما كەزٸندە قازاقستاندىقتىڭ مەرت بولعانىن راستادى.
