Qazan aiynda ekinshi deńgeili bankter men banktik emes jekelegen aiyrbastaý pýnkterinde jalpy salmaǵy 125,66 keli 3 130 altyn quima satyldy. Bul týraly Ulttyq banktiń resmi saitynda jariialandy, dep habarlaidy "Ult aqparat".
Quimalar bes túrli salmaqta usynylady: 5, 10, 20, 50 jáne 100 g. Satyp alýshylar arasynda óte joǵary suranysqa ie túri – 10 gramdyq altyn quima. Jalpy satylǵan quimalar arasynda onyń úlesi 25% – 27 596 dana. Odan keiin 5 gramdyq altyn quima – 23 362 dana (22%) jáne 20 gramdyq quima – 22 555 dana (21%), 100 gramdyq quima – 22 075 dana (20%), al 50 gramdyq quimadan – 12 487 dana (12%). Altyn quimalar Almaty, Astana, Atyraý jáne Qaraǵandy qalalarynda kóp satylady.
Aita keteiik, Ulttyq Bank azamattarǵa tazartylǵan altyn quimalardy satý jáne satyp alý baǵdarlamasyn 2017 jyly iske qosqan bolatyn. Baǵdarlama qolǵa alynǵaly jalpy salmaǵy 3,67 tonnaǵa jýyq 108 075 altyn quima satylǵan.
Sondai-aq, ekinshi deńgeili bankter men banktik emes jekelegen aiyrbastaý pýnkteri jalpy salmaǵy 437 keli 17 434 altyn quimany keri satyp alǵan, bul – jalpy satylǵan altyn quimalardyń 16,1%-y.
Qazir altyn quimalardy Halyk Bank, Eýraziialyq Bank, Jusan Bank, TsentrKredit Banki, sondai-aq banktik emes jekelegen aiyrbastaý pýnkterinen satyp alyp, keri satýǵa bolady.
