قازان ايىندا ەكٸنشٸ دەڭگەيلٸ بانكتەر مەن بانكتٸك ەمەس جەكەلەگەن ايىرباستاۋ پۋنكتەرٸندە جالپى سالماعى 125,66 كەلٸ 3 130 التىن قۇيما ساتىلدى. بۇل تۋرالى ۇلتتىق بانكتٸڭ رەسمي سايتىندا جارييالاندى, دەپ حابارلايدى "ۇلت اقپارات".
قۇيمالار بەس تٷرلٸ سالماقتا ۇسىنىلادى: 5, 10, 20, 50 جەنە 100 گ. ساتىپ الۋشىلار اراسىندا ٶتە جوعارى سۇرانىسقا يە تٷرٸ – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ٷلەسٸ 25% – 27 596 دانا. ودان كەيٸن 5 گرامدىق التىن قۇيما – 23 362 دانا (22%) جەنە 20 گرامدىق قۇيما – 22 555 دانا (21%), 100 گرامدىق قۇيما – 22 075 دانا (20%), ال 50 گرامدىق قۇيمادان – 12 487 دانا (12%). التىن قۇيمالار الماتى, استانا, اتىراۋ جەنە قاراعاندى قالالارىندا كٶپ ساتىلادى.
ايتا كەتەيٸك, ۇلتتىق بانك ازاماتتارعا تازارتىلعان التىن قۇيمالاردى ساتۋ جەنە ساتىپ الۋ باعدارلاماسىن 2017 جىلى ٸسكە قوسقان بولاتىن. باعدارلاما قولعا الىنعالى جالپى سالماعى 3,67 تونناعا جۋىق 108 075 التىن قۇيما ساتىلعان.
سونداي-اق, ەكٸنشٸ دەڭگەيلٸ بانكتەر مەن بانكتٸك ەمەس جەكەلەگەن ايىرباستاۋ پۋنكتەرٸ جالپى سالماعى 437 كەلٸ 17 434 التىن قۇيمانى كەرٸ ساتىپ العان, بۇل – جالپى ساتىلعان التىن قۇيمالاردىڭ 16,1%-ى.
قازٸر التىن قۇيمالاردى Halyk Bank, ەۋرازييالىق بانك, Jusan Bank, تسەنتركرەديت بانكٸ, سونداي-اق بانكتٸك ەمەس جەكەلەگەن ايىرباستاۋ پۋنكتەرٸنەن ساتىپ الىپ, كەرٸ ساتۋعا بولادى.
