Memlekettik tehnikalyq qyzmet Cybersecurity Alliance for Mutual Progress (CAMP) ózara ilgerileýge arnalǵan kiberqaýipsizdik aliansynyń jyl saiynǵy konferentsiiasynda júldeli orynǵa ie boldy.
14-20 qyrkúiek aralyǵynda CAMP músheleriniń jyl saiynǵy besinshi konferentsiiasy ótti. Onda qatysýshy eldermen áriptestik sheńberinde aqparattyq qaýipsizdik máseleleri talqylandy.
Jiynda sondai-aq 2019-2020 jyldardaǵy aqparattyq qaýipsizdik intsidentteriniń asa mańyzdy oqiǵalary taldandy. Biyl COVID-19 pandemiiasyna bailanysty uiymdastyrýshylar is-sharany onlain formatta ótkizý týraly sheshim qabyldady.
Alianstyń ár qatysýshysyna óz elin tanystyrýǵa jáne kiberqaýipsizdik jaǵdaiy týraly aitýǵa múmkindik berildi.
Qazaqstan atynan memlekettik tehnikalyq qyzmettiń departament direktory Medet Ysqaqov sóz sóilep, Qazaqstannyń pandemiia kezeńinde kibershabýylǵa qarsy kúrestegi tájiribesin bólisti.
Bizdiń spikerdiń sózi CAMP qatysýshy 47 eldiń ishinde «Best Speaker» nominatsiiasynda úzdik dep tanyldy.
Esterińizge sala keteiik, ótken jyly Qazaqstan CAMP uiymdastyrý komitetiniń quramyna kirip, uiymdastyrý komitetiniń tizimin on elge deiin tolyqtyrdy.
CAMP (Cybersecurity Alliance for Mutual Progress) Ońtústik Koreiada jumys isteidi, onyń quramyna 46 elden 60 uiym kiredi.
Aliansty kiberqaýiptiń aldyn alý úshin jahandyq uiymǵa ainaldyrý maqsatynda CAMP músheleri barǵan saiyn kúrdelene túsetin jáne búkil álem boiynsha paidalanýshylar men uiymdardy kóbirek qozǵaityn kiberqaýipsizdik máseleleri boiynsha oqý baǵdarlamalarymen jáne aqparatpen almasý múmkindigine ie.
