QR Ulttyq bankiniń aldyn ala málimeti boiynsha, Qazaqstannyń halyqaralyq rezerviniń kólemi 2019 jyldyń maýsym aiynda 86,362 mlrd AQSh dollaryn quraǵan. Bul kórsetkish mamyr aiymen salystyrǵanda 0,39%-ke, 2018 jyldyń jeltoqsanymen salystyrǵanda 2,87%-ke azaidy, dep habarlaidy "Ult aqparat".
Qazaqstannyń jalpy halyqaralyq rezerviniń kólemi maýsym aiynda 0,48%-ke ósip (ótken jyldyń basynan beri 8,87% azaiǵan), 28,185 mlrd dollardy quraǵan, sonyń ishinde taza halyqaralyq rezerv 0,47%-ke ósip (-9,01%), 27,697 mlrd dollar bolǵan.
QR Ulttyq qory aktivteriniń kólemi 0,81%-ke (+0,33%) azaiyp, 58,177 mlrd dollardy qurady. Erkin konvertatsiialanatyn valiýtadaǵy aktivterdiń kólemi 11,131 mlrd dollardy qurady, bul kórsetkish ótken aida 11,63%-ke (2018 jyldyń jeltoqsanynan - 32,68%-ke) tómendegen. Altyn valiýtalardyń kólemi 10,35%-ke (+18,5%) ósip, 17,054 mlrd dollardy qurady.
