قر ۇلتتىق بانكٸنٸڭ الدىن الا مەلٸمەتٸ بويىنشا, قازاقستاننىڭ حالىقارالىق رەزەرۆٸنٸڭ كٶلەمٸ 2019 جىلدىڭ ماۋسىم ايىندا 86,362 ملرد اقش دوللارىن قۇراعان. بۇل كٶرسەتكٸش مامىر ايىمەن سالىستىرعاندا 0,39%-كە, 2018 جىلدىڭ جەلتوقسانىمەن سالىستىرعاندا 2,87%-كە ازايدى, دەپ حابارلايدى "ۇلت اقپارات".
قازاقستاننىڭ جالپى حالىقارالىق رەزەرۆٸنٸڭ كٶلەمٸ ماۋسىم ايىندا 0,48%-كە ٶسٸپ (ٶتكەن جىلدىڭ باسىنان بەرٸ 8,87% ازايعان), 28,185 ملرد دوللاردى قۇراعان, سونىڭ ٸشٸندە تازا حالىقارالىق رەزەرۆ 0,47%-كە ٶسٸپ (-9,01%), 27,697 ملرد دوللار بولعان.
قر ۇلتتىق قورى اكتيۆتەرٸنٸڭ كٶلەمٸ 0,81%-كە (+0,33%) ازايىپ, 58,177 ملرد دوللاردى قۇرادى. ەركٸن كونۆەرتاتسييالاناتىن ۆاليۋتاداعى اكتيۆتەردٸڭ كٶلەمٸ 11,131 ملرد دوللاردى قۇرادى, بۇل كٶرسەتكٸش ٶتكەن ايدا 11,63%-كە (2018 جىلدىڭ جەلتوقسانىنان - 32,68%-كە) تٶمەندەگەن. التىن ۆاليۋتالاردىڭ كٶلەمٸ 10,35%-كە (+18,5%) ٶسٸپ, 17,054 ملرد دوللاردى قۇرادى.
