Qazaqstannyń halyqaralyq rezerviniń kólemi 2018 jylǵy shilde aiynda maýsymmen salystyrǵanda 0,61%, 2017 jylǵy jeltoqsanmen salystyrǵanda 1,58% tómendep, 87,668 mlrd AQSh dollaryn qurady, dep habarlaidy "Ult aqparat".
QR Ulttyq bankiniń bergen málimetine qaraǵanda, Qazaqstannyń jalpy halyqaralyq rezerviniń kólemi shilde aiynda 2,62% ósip (jyl basynan beri 0,46% ósken), 30,886 mlrd dollardy quraǵan, sonyń ishinde taza halyqaralyq rezerv 2,67% ósip (+0,51%), 30,388 mlrd dollar bolǵan.
QR Ulttyq qory aktivteriniń kólemi 2,29% (-2,66%) tómendep, 56,782 mlrd dollardy qurady. Erkin konvertatsiialanatyn valiýtadaǵy aktivterdiń kólemi 18,09 mlrd dollardy qurady, bul kórsetkish ótken aida 5,41% (al ótken jyldyń jeltoqsanynan beri 0,86% azaiǵan) ósken. Altyn valiýtalardyń kólemi 1,07% (+2,39%) qysqaryp, 12,796 mlrd dollardy qurady.
