قازاقستاننىڭ حالىقارالىق رەزەرۆٸنٸڭ كٶلەمٸ 2018 جىلعى شٸلدە ايىندا ماۋسىممەن سالىستىرعاندا 0,61%, 2017 جىلعى جەلتوقسانمەن سالىستىرعاندا 1,58% تٶمەندەپ, 87,668 ملرد اقش دوللارىن قۇرادى, دەپ حابارلايدى "ۇلت اقپارات".
قر ۇلتتىق بانكٸنٸڭ بەرگەن مەلٸمەتٸنە قاراعاندا, قازاقستاننىڭ جالپى حالىقارالىق رەزەرۆٸنٸڭ كٶلەمٸ شٸلدە ايىندا 2,62% ٶسٸپ (جىل باسىنان بەرٸ 0,46% ٶسكەن), 30,886 ملرد دوللاردى قۇراعان, سونىڭ ٸشٸندە تازا حالىقارالىق رەزەرۆ 2,67% ٶسٸپ (+0,51%), 30,388 ملرد دوللار بولعان.
قر ۇلتتىق قورى اكتيۆتەرٸنٸڭ كٶلەمٸ 2,29% (-2,66%) تٶمەندەپ, 56,782 ملرد دوللاردى قۇرادى. ەركٸن كونۆەرتاتسييالاناتىن ۆاليۋتاداعى اكتيۆتەردٸڭ كٶلەمٸ 18,09 ملرد دوللاردى قۇرادى, بۇل كٶرسەتكٸش ٶتكەن ايدا 5,41% (ال ٶتكەن جىلدىڭ جەلتوقسانىنان بەرٸ 0,86% ازايعان) ٶسكەن. التىن ۆاليۋتالاردىڭ كٶلەمٸ 1,07% (+2,39%) قىسقارىپ, 12,796 ملرد دوللاردى قۇرادى.
